أرسل رسائل بوحدة واحدة فقط

مشكور كتير ع البرنامج هلق بدي حمل ونزلو

مشكورة عالمرور يا آنسة سوسو

بس حبيت قول أنو هالخدمة طبعاً لها حدود، يعني بيحق للمستخدم استعمال عدد محدد من الرسائل شهرياً

الحقيقة يا استاذ فارس هاد البرنامج لألي معو وحدات كتير وحابب يصرفها
أنت مجرب البرنامج شي؟

الحقيقة يا استاذ فارس هاد البرنامج لألي معو وحدات كتير وحابب يصرفها
أنت مجرب البرنامج شي؟

البرنامج بيكلف وحدة واحدة لكل رسالة، وهاي الوحدة هي نتيجة اتصالك بالانترنيت، لانو البرنامج صراحة بيعطيك حوالي 30 رسالة مجانية

وأكيد أنا مجربو يا معلم الياس، وعاطيه لكذا شخص ، وكلون اشتغل معون تمام
ومابحط برنامج قبل ما اتأكد منو، بس يبدو انك ماعم تعرف تتعامل معو أو مو عم تحسن تفهم البرنامج مليح لانو بالانكليزي

على كل رح اشرحلك ياه مرة تانية:
بس تحمل البرنامج من لجهازك، ادخل عليه بيطلعلك شاشة بيطلب فيها رقم موبايلك، فبدخل فيه الرقم بالصيغة الدولية متل ما قلنا سابقاً
وبعدين بيطلب الاتصال بالانترنيت، فبتعطيه موافق
وبتتوجه لصفحة بتملي فيها معلومات شخصية عنك متل اسمك واسم المستخدم وكلمة المرور
ولما بتعطيه متابعة بيرسلك كود التفعيل كرسالة sms بتحطه محله بيتفعل البرنامج

وهلق منجي لطريقة الاستخدام:
فقط ادخل عالبرنامج من التطبيقات، فإذا كان مفعل رح يطلعلك نافذة فيها حقلين
To: بتكتب فيها رقم الشخص اللي بدك ترسلو الرسالة
Message: بتكتب فيها رسالتك باللغة الانكليزية حصراً

وفيك قبل ماترسل الرسالة تدخل للخيارات وتغير رقمك إلى رقم مجهول

ولما بتخلص بتعطيه send message وبتكون رسالتك وصلت، بس لازم تلاحظ لما بترسل الرسالة ظهور تقرير عن الكلفة لتتأكد من أنو الرسالة وصلت فعلا للشخص المرسل إليه

بعد ما عم أكتب رقم الموبايل وأعطيه موافق للاتصال بالانترنيت عم يطلع
could not connect to server.please retry or visit
www.fishtext.com/gprs for help.
ومبارحة رحت لعند
tigher
ما غضرنا نظبتو والحقيقة أنا كتير حبيت فكرة البرنامج وحابب يشتغل عندي
وإذا بدك تقلي أنو ما عندي انترنيت مبلي عندي

يا معلم الياس، طالما عطاك هاي الرسالة

could not connect to server

فالمشكلة بإعدادت الانترنيت تبع جهازك، يعني ممكن تكون بتفوت عالنت، بس الإعدادت بتعارض البرنامج
أنا جهازي سوني إريكسون k750 ومشتغل البرنامج عليه تمام، وكمان جربتو على كذا موبايل نوكيا
فممكن يكون نوع الجهاز كمان مو مناسب (مع أنو احتمال بعيد)

المشكلة أنو ما عندي كتير خبرة بهالموضوع، ومافيني فيدك أكتر

مشكور يا حكيم
بس المعو خط بيمشي حالو

مشكور يا حكيم
بس المعو خط بيمشي حالو

أكيد بيمشي حالو يا معلم ...

بيكلفك بس كلفة الاتصال بالانترنيت لتبعت الرسالة (يعني الكلفة المقابلة للوحدة بالنسبة للخطوط المسبقة الدفع)

شكرررررررررررا كتير وأخيرا ظبت البرنامج!!!!!
وأسف إذا كنت أزعجتك بأ سئلتي

أهلين يا معلم الياس ..

وشوف الصدفة، امبارح كان في شخص أخد مني البرنامج وطلعت نفس المشكلة ...

وتبين أنو السبب هو إعدادات الانترنيت، والتغطية .... وبعد جهد جهيد مشي الحال
وكمان لاحظت أنو اللي خطو سيرياتيل عم يتعذب شوي ليزبط معو البرنامج

انا صار معي نفس مشكلة المعلم الياس ممكن نعرف اشو الحل ياشباب

الحل بسيط حيول تفوت بوقت مايكون في ضغط متل الصبح بكير

اي ماشي شكرا

مبروك تشغيل البرنامج يا معلم الياس

يا شباب ، سمعت أنو في برنامج بيقوم بنفس العمل اللي بيقوم فيه fishtext:

اسم البرنامج: messmo

إذا بدكون فيكون تجربوه

شكراً هالبرنامج حلو كتير

اي شباب انا نزلت البرنامج وغيرت الجهاز ونزلتو مرة 2 عالجهاز الجديد بس نسيت كلمة المرور في شي حل
كلووووووووووووووووووووووووووووووووووووووووووووووش

كبير يا حكيم , و ألف شكر عالبرنامج الرائع .........

مشكورين يا شباب عالمرور ...
بالنسبة لسؤال الأخ شادي :
في كتير صارت معون هالمشكلة، ومابعتقد أنو في إمكانية استعادة لكلمة المرور، فمشان هيك الواحد لازم يكون حريص لما بيكتبها

في طريقة تانية، بس مو كتير بنصح فيها:
فيك تجيب خليوي لشخص مابيستخدم انترنيت أو ماعندو اشتراك (وطبعا لازم يكون من معارفك) ، وبتعملو اشتراك، يعني بتحط رقمو، فتوصل رسالة التفعل على موبايلو، فبتاخد الرقم وبتحط معلومات تسجيلو ضمن جهازك

بهالحالة لازم تجعل الإرسال من مجهول:
من setting >>> send from >>>> anonymous
لأنو إذا ما عملت هيك بتطلع الرسائل من طرف الشخص اللي سجلت بحسابو

وبآخر الرسالة من تحت بتكتوب انها من طرفك ليعرف الششخص المستقبل مين مرسل الرسالة

الحل معقد شوي، بس مابظن أنو في غيرو

ماشي شكرررررررررا يا حكيم
كلووووووووووووووووووووووووووووووش

اريد تحميل البرنامج

اريد برنامج فيش تكست

تكرم يا أخ حسام:

هذا رابط مباشر للبرنامج:
http://wap.fishtext.com/FishText.jar

بالتوفيق