لمـاذا تصمــت الفتــاة عنــد التحــرش بهــا

موضوع حلو كتير ، وشكرا على هالطرح : +1

أنا بشوف أنو هالموضوع بيختلف من حالة لأخرى، يعني للتحرش أنواع، ومافيكي تقارني التحرش الكلامي (التلطيش) بالتحرش الجنسي (الاغتصاب)، وبالتالي أكيد الردود لهالألفعال رح تكون مختلفة ورح يكون لها تفاسير مختلفة متعلقة بشكل أساسي بطبيعة البنت

فاذا اعتبرنا أنو البنت بتسكت لما بتطلطش فهاد ممكن يكون نتيجة رضا في حال كان الكلام حلو وغير مؤذي ، وممكن يكون ضعف شخصية من البنت إذا كان الكلام جارح...
أما موضوع الاغتصاب، فالخوف مابعتقد أنو إلو مبرر، وأكيد مو برضا (لأنو اغتصاب) وبالتالي هو ضعف أكيد، وأما حالة أنو اللي عمل التحرش هو شخص مقرب (ابن عم) متل ما عم تقولي، فأكيد ما لازم تخبي....

يعني الخلاصة برأيي أنو البنت لازم ما تسكت عن أي نوع من التحرش إلا إذا كان عن رضا، أما موضوع ليش بتسكت فبرجع وبقول أنو كل بنت ممكن تفكر بالموضوع من اتجاه ، ومافينا نحط جواب قطعي

على كل بعتقد أنو هالسؤال لازم يتوجه للصبايا بشكل أساسي ، ويا ريت تكتبيلنا انتي أشو رأيك بالموضوع؟؟!!

وشكراً

والله انا معك يا حكيم على انو اكيد مو ضعف ومتل ما قلت احيان بتتلطش البنت بكلمات رقيقة ممكن تضحك من وراها وبيكون رضا الا اذا كان الكلام جارح
ورايي مو لازم يكون خوف لانو اللي بتسكت عن هالشي ممكن تسكت عن غلط اكبر
ورايي كمان انو الاغتصاب او حتى التحرش الجنسي مو لازم تسكت عنو لانو في وراه عواقب كتير ممكن تاذي اكتر
وبالاخير هالشي كلو غلط ومو صحيح



مشكورة soso لانو لازم المواضيع الحساسة والمزعجة كلها نسال عنها

الموضوع حلو كتير شكرا soso ومن عندي +1
بس انا راي انو يكون العنوان: لمـاذا تصمــت بعض الفتــيات عنــد التحــرش بهــا !!!؟؟؟؟

لانو مو كل فتاة بتسكت اذا تعرضت لاي نوع من التحرش...

وبتوقع انو سكوت البت او ردها يعود بالدرجة الاولى الى شخصيتها وثقتها بنفسها...وحسن تقديرها للموقف ..!!
هل يستوجب الرد أو الافضل اعلام احد اقاربها (ابوها,اخوها,ابن عمها,...)بالذي حصل..

والاهم من هادي كلو العلاقة بين البنت واهلها اللي يجب ان تكون مبية على الثقة المتبادلة وهي اللي بتشجعها على كيفية الرد وحسن التصرف

وبالآخر انا بشوف انو كل انواع التحرش هو غلط ...!! وبالتالي السكوت على الغلط غلط ايضا

شكرا للموضع +
وبتوقع الشباب غطوا كافة النواحي
بس انا براي انوا ما لازم تسكت البنت على اي نوع من التحرش
لانوا هاد شي غلط واذا سكتت على شي صغير معو معو بيكبر وصعب يصير واحد يحسن يتحكم معوا
ومرة تاني شكرا

اول شي مشكورين ع الردد شباب
أما رايي انا :
اذا كان الكلام حلو عادي كتير بنات بيسمعو من هالكلام وبيكون السكوت افضل شي حتى البنت مالازم تأبدي اي ردة فعل سواء كانت ايجابية أو سلبية طبعا اذا كان الحكي بحدود أما اذا الكلام مؤذ فلازم تتصرف او تخلي حدا يتصرف
بعدين بموضوع التحرش هلق كتير بنات وهنن بالشارع ماشيين مابيشوفو غير ايد وانمدت عليهن يعني شو بيساوو لازم يصرخو يساوو شي مو يسكتو
بعدين مشان الاغتصاب غبية اللي بتسكت بس كمان في مجتمعات ما بترحم يعني حتى عنا البنت اذا ماكانت علاقتها صريحة مع اهلها مابتقدر تخبرهن بس كمان غلط
ومشان انو بتسكت نتيجة الخوف أو الرضا أو الضعف؟
أنا بشوف انو اللي بترضى هيك شغلات معناها بالنسبة الا مو اسمها تحرش بالعكس
أما انو تسكت فسكوتا نتيجة ضعف وخوف لانو الناس مابترحم
بس السكوت عن الغلط غلط
واسفة اذا طولت عليكون

الكل غطوا الموضوع بس انا بزيد بعض المواقف بتكون خوف حتى لو كانت تلطيشة اذا ردت بتكون بهدلة حالة
مشكورة كتير موضوع حلو +

انا بحسها صعبة شوية البنت تحكي بمجتمعنا لانو المجتمع عنا ما بيرحم
و هي القصة كتير معقدة كتيييييييير انا بعرف بنت تعرضت لهالموقف و لما سألتها ليش ما حكت؟ قالت
اولا اهلي رح يقتلوني مع اني ما الي دخل و اذا ما انقتلت شوف نظرة المجتمع لالي
و على الحلتين ما عاد الي نصيب بالحياة رح صير منبوذة من قبل الناس و كل ذنبي اني كنت ضحية !!!!!!!!!!!!
تانيا اذا حدا من اهلي جحش و راح قتل هاد البني ادام الي عمل هيك رح تصير مشاكل الها اول ما الها اخر و هاد اذا ما انقتل واحد من اخوتي و صار شي لحدا من عيلتي
تالتا
تعرف انو بسببي اهلي رح يحطو راسن بالطين و ما تقلي لا لانو المجتمع رح يحطلن ياه غصبا عنن لانو هاد حكي فاضي مجتمعنا و بعرفو رح يقولو هي البنت كذا و عيلتها كذا و اصلا بالاخير يمكن انا الي بطلع مغتصبة الشب و انا ما بحب جيب المذلة و الاهانة لاهلي
رابعا
شو بدي استفيد اذا حكيت بعد كل البلاوي الي حكيتها مارح استفيد شي بالعكس رح انضر اكتر
شو بدي استفيد اذا الي اغتصبني حكمو عليه بالاعدام مفكرني رح انبسط ؟؟؟
انا بنت انمسحت بكرامتها الارض و فقدت شرفها و صارت سيرة بلسان الناس
انا ما بدي شي ربنا بياخدلي حقي انا بدي موت و آخد سري معي هيك احسن الي و لاهلي

ع فكرة البنت من الشام تعرفت عليها بمنتدى مسيحي و هي بتشتغل حاليا بمصر بدير تابع لابرشية اسيوط و غير متزوجة و بتشتغل دكتورة انشاء الله اذا اقنعتها بخليها تسجل بالمنتدى

و انا كتير مقتنع بكلامها معها حق مليون بالمية البنت الي تغتصب بمجتمعنا تعتبر
هي الجاني و لا تعتبر ابدا ضحية

مشكور كتير يا أنسة soso ع الموضوع
والله أول شي أنت عم تحكي عن مجتمع ما خلق الله أسفل وأندل وأبشع منه للأسف!!!
يعني أكتر من نص العالم (الناس) بهادي المجتمع بينتظروا واحد منه ليوقع بالخطأ حتى يلاقوا سولفي يحكوا فيها ويا حرام إذا كان الضحية (بنوتي) لأن لا تنسوا أنه عنا شعار كتير بيميزنا عن غيرنا(الشب ما في شي بيعيبه)
المهم التستر ع التحرش عم يكون بأغلب الأحيان سببه الخوف وطبعاً أنا عنأكي عن مجتمع مو عن ضيعة!!!
وهاي التحرش بيشمل التحرش الجسدي والتحرش الكلامي البذيء
وأحياناً بيكون الضعف سبب وخاصة لما بتكون البنوتي بأول طلعتها
أما الرضا بالتحرش اكيد موجود وخصوصي لما التحرش بيكون كلامي وبيبلش بكلامات حلوي بتخلي البنوتي تحس حالها بنت مؤيد بيك العظم!!!!

لمـاذا تصمــت الفتــاة عنــد التحــرش بهــا ؟؟؟!!!!

ولله انا برأي انو الرضا يمكن ببعض الحالات ازا كان التحرش عاطفي او معسول

بس بغير حالة انما وهو الهدوء ماقبل العاصفة