أدم و حوا...

آدم يخطب حواء
إذا أردت ياآدم أن تذهب لتخطب إحدى الحواءات فعليك أن تقوم بما يلي:
احمل معك بوكيه ورد وقدمه لها
لاتلزق بالكرسي وقت بتدخل حوا بصينية القهوة خليك جنتل ووقفلها وبس تقعد ضيفها إنت فنجان
خليك متماسك وقوي وواثق من نفسك أدامها حتى لو كنت فايت ب 665 حيط
لا تنسى ياآدم تعتني عناية خاصة وفائقة بصباطك \ قبة قميصك \ سنانك \ وياريت ماتحط نص علبة الجيل على شعرك لحتى ما يضوي راسك من كتر الزيت ويلزق شعرك فيه
إياك ثم إياك تكت علبة البارفان كلها عليك لأنو هاد بدل إنك عم تغطي فيه على ريحة جرابا تك وعرقك فبختين بكفو

صدقني هيك ومن قبل ما تطلع من باب البيت رح تقول حوا لأمها موافقة هاد هو فارس أحلامي حتى ولو كنت عوكة

آدم وحواء في السيارة
إذا طلعت حوا معك بالسيارة ياآدم فقم بما يلي:
فتحلها باب السيارة
ذكرها بحزام الأمان
حطلها أغاني بتحبها
تقيد بتعليمات المرور ولا تسب وتبهدل حدا من شوفيريات التكاسي والمكاري حتى لو طحشو عليك
إياك ثم إياك تنسى إصبعتك بأ نفك وأنت عم تسوق أو عم تحاكيها أو أنك تنزل الشباك وتبزق أو تبلش بسونفونية فصفصة البزر يلي ما بتنتهي

آدم وحواء في المطعم
إذا عزمت حوا على المطعم عليك ياآدم بما يلي:
أفتحلها باب المطعم لتدخل قبلك أو بتدخلو سوا
خليها هي تنقي الطاولة وإذا قالتلك على ذوقك لاتختار طاولة بالزاوية وتخليها تقعد ووشها عالحيط وكأ نها معاقبة نقي طاولة شرحة وظريفة
لاتطلب الأكل فورا وكأ نك مومصدق إيمتى تقوم قللها خلينا نشرب عصير أو قهوة قبل الأكل
إسأ لها شو حابة تاكل قبل ماتنادي للكرسون
لاتطلب اكل كتير لتبين إنك مبذر أو عم تتمنفخ ولا تقلل الأكل كتير لتبين إنك بخيل وكحتة
اصحك تفكر مجرد تفكيربأنك تاكل بصل أوتوم أو حتى انك تطلبهن
لا تسألها بتحبي نمشي أو نضل قاعدين خليها هي تقلك
إياك ثم إياك تعلق إيدك بجيبتك أو يلزق وشك بالفاتورة وتصفر وتخضر وتحمر وأنت عم تدفع
لاتدفع عالليرة زيد عالفاتورة شي 100أو 50وعطي بخشيش بس للكرسون يلي خدمك حتى لو انصفو كل الكرسين كالعادة أدامك لحتى ما تبين خاروف كبير
ولا تنسى تفتحلها باب المطعم

آدم وحوا في الشارع
إذا كنت ماشي مع حوا بالشارع انتبه ياآدم لما يلي:
لاتخليها تمشي عالطرف القريب من الشارع
وقت تقطعتو الشارع خليك إنت من طرف السيارات
لاتخليها تمشي بالعجقة وإذا كان ولا بد اسبقها بخطوة وحاول تمرقها
لاتحكي بصوت عالي كتير وخلي حديث الطريق ظريف وخفيف
لا تعزمها على شي تاكلوا أو تشربوا وانتو ماشين
إياك ثم إياك تجاوبها على سؤالها [شفت هي أم البنطلون أو أم الشعر أو أم .............. أي شي] بنعم وليكن جوابك ما انتبهت حتى ولو شرقتها شرق بتطليعاتك لأم ال............
إياك وأكل البزر والبزق ورمي الوسخ بالشارع لأن بتخليك تبين وكأنك عايش بسوق الهال أو الكراجات

هذه هي بعض الأمور التي تكرهها وتحبها حواء في شخصية آدم