ليه !!

*ليه لما بتكون بطارية الريمونت كنترول ضعيفة منضغط بقوة ع الأزرار
يعني بهالطريقة منشحن البطارية ؟

*ليه منخفض صوت المسجلة والراديو لما منشعر أنو دخلنا طريق خاطئ
يعني إذا سمعنا منيح رح نعرف الطريق الصح ؟

*ليه لما بينزل عرض بينكتب هدية مجانية
يعني في بالعالم هدية مو مجانية ؟

*ليه وقت منكون بالبيت ومنطلع من الشباك والمطر كابس برا...نتساءل ....عم ينزل مطر برا ؟
يعني في شي مرة مطرت جوا ؟

*ليه وقت منشوف لافتة ع الحيط مكتوب عليا "احترس من الدهان" ما منصدق ومندقر ع الحيط بأصبعنا
يعني لازم يحلف إللي دهن الحيط حتى نصدق ؟

*ليه وقت نصف السيارة بموقف خالي من السيارات ويجي واحد بدو يصف ..ما بشوف محل إلا جنب سيارتك
يعني مشان يتسلوا السيارات مع بعض مثلا ؟

*ليه وقت نطلب المصعد وبيتأخر منكبس مرتين وتلاتة وعشرة ؟
يعني هيك رح يستحي ع دمه وينزل بسرعة ؟

*ليه وقت منوصل ع المصعد ونشوف شخص واقف عم يستناه منضغط ع الزر ؟
يعني هو واقف عم يطلب شاورما مثلا ؟

*ليه وقت منحاول نطعمي ولد صغير ,منفتح تمنا كمان ؟
يعني بهالطريقة بيقتنع أنه ياكل ؟

*ليه وقت منفيق الصبح ,.منرجع مننام شي عشر دقايق ؟
يعني نمت سبع ساعات وهالعشر دقايق رح تفرق معك ؟

*ليه وقت نطلع بتكسي منطلع دايما ع العداد ؟
يعني إذا طلعنا كتير وزورنا العداد رح تنقص التسعيرة مثلا ؟

*ليش وقت نشوف ولد صرلنا زمان مو شايفينه منقول والله كبران
يعني في ولد بيصغر مثلا ؟

*ليه وقت منزور حدا كبير بالعمر من القرايبين منسلم عليه بصوت عالي وعياط ؟
يعني كل واحد كبير بيكون طرشان ؟