لنعمل جميعاً وبيد واحدة على بناء مركز طبي للكشف المبكر عن سرطان الرئة في محردة
تحذير وزارة الصحة: التدخين ضار بالصحة وسبب رئيسي بحدوث أمراض السرطان والقلب والأوعية والجهاز التنفسي ويضر بالحامل وجنينها.
لازم يصير التحذير: محردة سبب رئيسي بحدوث أمراض السرطان والقلب والأوعية والجهاز التنفسي ويضر بالحامل وجنينها.
معلش لحد يزعل لأن فعلا جو محردة وهواها صار لايطاق وصار سبب رئيسي لسرطان الرئة , كل سنة أعداد المصابين بسرطان الرئة في محردة تزداد عن السنة التي قبلها , أصبحت أعداد المصبين بهذا المرض مرعبة .
يعني فعلاً صار جو محردة لايطاق كل يوم أمطار غزيرة من الشحوار .
كنا بمحردي نستنا أيام الشمس الدافئة حتى نطلع فيها عالدير وعلى العاصي ، أو نقعد بأرض الديار مع الأصدقاء
بينما هلق صار مابينقعد لا بدير ولا بعاصي ولا بمحل , مابيقعد الواحد نص ساعة "برا" حتى بيملي وجهو شحوار , وبتملا كاسة المتي شحوار والسكر بيطوف شحوار والكرسي بيملا شحوار والهوا يللي عم نتنفسوا شحوار بشحوار, حتى وقت بينظر الشخص لمحردي من فوق منطقة مرتفعة بيشوف سحابة دخان " أي خسا سحابة دخان نيويورك ولوس أنجلوس"
أنا بعرف أن كل هاد الحكي كل الناس بتعرفوا وكل الناس عم تعيش ظاهرة الشحوار وعم يعانوها يوم بعد يوم, وبعرف كمان أنو ماضل طبيب بمحردي ماحذر من مخاطر المادة المتساقطة من دخان شركة الكهرباء وما أكد أنها هي السبب الأول لأمراض الرئة وسرطانها المتفشي في محردة, وبعرف كمان أن شركة الكهرباء في بمحردي مشروع حيوي لأنها رغم أضرارها الكثيرة عما تمد مساحات واسعة من محافظة حماة وأجزاء من المحافظات الأخرى بالكهرباء .
يعني مافينا نلغي شركة الكهرباء ومافينا نبطل نتنفس هوا.
لكن ليش ما منطالب نحنا سكان محردي ببناء مركز طبي مجاني عام للكشف المبكر عن سرطان الرئة وأمراضها ,لأن نحنا أحق الناس بهاد المركز وهو التعويض الأفضل عما نعانيه بسبب شركة الكهرباء .
لأن متل ما هوي معروف فأن الكشف المبكر عن السرطان يساعد على القضاء عليه قبل انتشاره , وإذا كان المركز مجاني وتم الفحص فيه بشكل دوري فأكيد ممكن نسيطر عل مرض سرطان الرئة.
يعني "أن تشعل شمعا خير من أن تلعن الظلمة"
خلونا ياأهالي محردة كلنا يد واحدة ونطالب جميعاً ببناء هذا المركز سواء عن طريق تقديم طلب جماعي موقع من كل سكان محردة إلى الجهات المختصة ، أو عن طريق الصحافة أو عن طريق المسؤلين في محردة , أو بأي وسيلة أخرى , وخلوان كلنا نساهم بالتبرع المادي والمعنوي ، لحتى نحمي أنفسنا ونحمي أطفالنا الصغار من هذا الداء القاتل .
» من اجل قطع الشك باليقين
» حوار الفاتنات
» قصة حب
» حلقة بحث
» الصبي و الكرسونة
» مرض العصر..............السرطان
» مشروع بحث علمي محرداوي حصرا
» سجل حضورك في بيت عتابا
» أفكارنا هي السبب الرئيسي لأمراضنا
» للأذكياء فقط
» حوار الفاتنات
» الصيدليات المناوبة لشهر كانون الثاني وشباط 2014
» المجموعة الاولى من البومات صور محردة
» المجموعة الاولى من فيديوهات محردة
» من محردة الى عرش انطاكية
» جديد جديد مش عم تظبط معي
» كيف بتقنع أهلك أنك بتدرس؟؟
» لعبة حرب الشاطئ Beachhead 2000
» طريقة فك قفل الحماية لموبايلات النوكيا !!!
» قصة الأربعين شهيدا
» الله يرحم جميع الشهداء
» المزرعة السعيدة
» الياذة العرب (10) الثانيه
» الياذة العرب (10)