نار ونور

السما قبيل الفجر قطعه مسودي الا من نجوم
بعيدي قريبي طقاطيسا عم تتلامع وتلمع تلمع
والفجر نورو عم يناضل يشق العتمات يحوم
همو يبلع العتمي بلع يتركها تبكي حظا بمدمع
***
دمعاتا من هطل الندي بتتراشش زخاتو رخ
بيبلل النبات في أعاليه وسوافلو بعدها جاف
متل المغمس في صحن الدني عن بذخ وجخ
ومامعو للغماس بمزودو غير خبزه الحاف
***
نجم سهيل وحيد مسطع مابين نجمات السما
ومذنب المجره عم يختفي م السما ع بشوي
ودغش الفجر بعدو موجاتو كامدي كلا حما
بتعمل لكل أكمي ع جنبا متل شباه في الفي
***
وعيني بعدا ع النعس بتحاول تبقى مفتحه
تسبح لصانع هـ الصبح تسبيح من عبكره
الجفن نزولاتو أكتر من الطلعات متلحلحه
البؤبؤ عم يبحلق من الفتحات عن الجكره
***
السما العاليي مدكني عتمي ع ضو جهجه
والجو رايق مايشابو أي عكر أو سو ولو
غير ناي راعي ورنين جراس عم تمهمه
وعوي كلبو شبه فحيح أو متل حو حو حو
***
صرت متل الحالم حلم يقظه وطويل كتير
عناصرو ظل ضو سما نجوم ملو السما
وع الأرض متل المهفهف أسود وحرير
عليها بقاع مدهبي ضواوي دوبا تترجما
***
ع مد عرجات الجبال نور جاي منمحال
رمادي ع كحل متل دخني موشحا بالنور
سحرا سحر وكل الجاي منها خوش عال
عم تدور محاجري عم تتمتع وعما تدور
***
كتر النور وصار يوزع قزح أو مقارب
صار النور ع الأرض غيمة لوان بحور
وكلما زاد العتمي عم تهرب وعم تلاعب
وهو هاجما كفارس العايد وعاد منصور
***
تقشعت السما ع رمادي عم يتخللو زراق
النجوم عم تهرب لملمي من قدام هـ النور
بين الورق ع الشجر هاجم هجوم بمراق
الزرع صار يتباين خضار عرمد تنور
***
من اشرقت شرفت تطرد قدامها القدامها
الدجى تحولا نورا يقرقع لحالو بصباح
الفجر اختفى مستحى ومطمطه بحلامها
مراسيلها بصباح يسعد الله هـ الصباح
***
بدت الدني مستسلمي نوار بكر نهارها
لوانها عم تتبلور من نور ع نور عنور
وكلشي بالأرض صار يلمعا بجرانها
بظل وبلا ظل وفي ونور كان محظور
***
عليت زقازيق الطيور ورفرفات جناح
تغط وتفط بفرح لتطعم حاجات فراخها
وصار الضحى فرج والصباح ارتاح
وصار متل العرس بكل الدني وبدارها
***
غمضت عبني كسل من تعب قل النوم
وليل كان مضى حرس ومعارك قلق
بالحلم دعيت لو هـ السحر يدوما دوم
كنت عمري بمضيه سبح رب الفلق
***
رب الفلق العارف كيف يرسم للوانو
ثاني بثاني ودقه وساعه وكل احيانو
لوحات مارسما بيكاسو ولا بتوزانو
ولا دافنشي مستلق برسمو وحلامو
***
سبح لربك بني آدم صانع النار والنور
وظل العتم وكل من حولك ظل ونور