حوار الفاتنات

بما انه وحتى الان لم يتم الاعتراض على ما قد تكلمت عنه سابقا لا من الداخل اي من آل عفور
ولا من الخارج اي من غير آل عفور وبما آن كل من علق على الموضوع اعتبره مهما وخطيرا
وبما انه وحتى الآن لم تتم مناقشة هذا الراي او الفكرة من قبل المختصين فساناقش نفسي بنفسي
ولا اعرف لماذا !
هل نحن في محردة عبارة عن ريادات علمية مستهلكة لابداعات الاخرين فقط ام ان امكانياتنا العلمية تنتظر
الاخرين لابداع ما عندهم ومن ثم استهلاكه في جمع المال على كل ايا كانت الاسباب فساطرح نقاشي
وليكن ما يكن في سبيل خدمة الناس ومحردة والوطن وليس لي هدف غير هذا .


اسعد محفوض عفور

حرر بتاريخ 11\11\2010 بعد ميلاد السيد المسيح






حوار الفاتنات حدث بتاريخ 11\11\2030


حوار بسيط تم بين صبيتين يانعتين من آل عفور وهما نتالي باسم عفور تولد عام 2008
و
كريستيل طريف عفور تولد عام 2008

بعيد كل البعد عن النقاشات التافهة التي تتم في مجتمع صبايا محردة هذه الايام على الاغلب



كريستيل:انا امبيرحا كنت عم اتصفح موقع محردة وما انتشر في من حوالي 22 سنة وتفاجأت بمقالي
لعمنا اسعد عفور الله يرحمو عم تحكي عن طريقة عن عيلوج مرض السرطان وعم يقول فيها انو
نحنا بيت
عفور ما ننصوب بهل مرض تعالي لعندي بسرعة لحتا شوفيكي اياها يالله ليزم انا سكر السماعة تكوني

عندي
نتالي : مرحبا كريستيل ايشو هل الموضوع المهم الي بدك تشوفيني اييوه وبيخص عمي اسعد
كريستيل: ليكي انا فيتحا الموقع تعالي شوفي
نتالي: معقول هل حكي ليكي رغم انو الموضوع خطير ومهم ماني شايفي اي مناقشة علمية للموضوع رغم
وجود الامكانات العلمية العالية بضيعتنا من هديك الاييام لهلق يبدو انو مين بيهمو الامر مانو مهتم بالامر او

انو مشغول عنو بامر تيني

كريستيل :اظن انو امكانيياتنا العلمية من اطباء وصيادلة مشغولين بجمع المصاري بالرغم من انو اغلبيتن من
عائلات غنية وورثوا ما لذ وطاب من اراضي وشقق وفيلات وحسابات بالبنوك
نتالي: هل حكي صحيح مين عم يدرس طب بهل اليام لابد انو يكون هيك لانو هل دراسات مكلفة كتيير
ولا بد انو يكون غني لحتى يوصل الدكتور بعد الباكالوريا عمرو بيكون 18 سنة وبدو6 سنين دراسة طب
عام واختصاص 6 متلها بيكون خلص عمرو 30 وبيطلع مامعو ياكل اذا مانو مكسور هادي اذا مادعمتوا العيلة
و هو بعمر مناسب للزواج اذا مانو متاخر عن رفقاتو الي بيكون صار عندن ولاد بقا وينك من البيت والسيارة
وتكاليف الجهيز ووينك من العيادة والعدة والاجهزة الطبيية ووينك ووينك ........ الخ
كريستيل: اذا ليزيم يكون من عيلة غنية لحتى تقدملو هالشي والا عمره بيخلص وبيوصل السبعين واسا ما عندو
نص هالشي
نتالي :هل بتعتقدي بانو الفكرة المطروحة بالموقع من 22 سنة من قبل عمنا اسعد الله يرحمو صحيحة وانو انا
وانتي محصنات ضد هل مرض
كريستيل: خلينا نناقش الامر بموضوعية ومنطق رياضي وفق الفيزياء التقليدية الي بتقول 1+1=2
وحسب معلوماتنا المتواضعة بيقول عمنا انو كل من يحمل اسم عفور ما بينصاب بالسرطان ان كون زلمي
ولي مرا
نتالي: هل حكي بيدل انوالامر متعلق بالصبغي الجنسي الذكري وهو مرتبط في
كريستيل:لنفرض هل حكي صحيح جدلا
نتالي: اذا نحنا امام احتمالين اما انو تكون هل الصفة عبارة عن مادة كيميائية يرزها الجسم من مكان معين
و مسؤول عنها صبغي ما
كريستيل: هادي بيعني انها موجودي بالدم
نتالي: او انها صفة وراثية مسؤول عنها جين معين في البروتين
كريستيل : خلينا يا نتالي نناقش الامر الاول اي المادة الكيميائية لانو هادي الامر ممكن الوصول اليه اما الامر

التيني فبدوا امكانيات مادية ومعنوية ما نا بقدرتنا فالاباء والاجداد من كتر كرمهم وحبهم لمحردة
تبرعوا بالبقية الباقية من هلي ضل من الرزقة ومتل ما بتعري نحنا فقرا
نتالي: طيب مافي مشكلة اذا فرضنا بانها مادة كيميائية تقي الاصابة بالسرطان فهي لا بد ان تكون موجودة في
الدم اي بدمي انا وانت
كريستيل:لنقول هل حكي صحيح
نتالي: لنفرض جدلا انو اخدنا من دمي نصف ليتر وتبرعنا فيه متل ما عملو جدودنا مانت بتعرفي نحنا
شاطرين بالتبرع لاحد الناس الي بتقبل زمرتو ياخود مني دم وهو مصاب بالسرطان ايا كان نوعه
ايشو ممكن يصيير
كريستيل: بعتقد اذا كانت هل مادةعلاج للمرض لا بد انو تتحسن حالتو طيلة مدة بقاء هالمادة بدمو
نتالي :طيب ما عنا احتمال تيني
كريستيل" ايشو هووي
نتالي: انو تكون هالمادة تقي الاصابة بالمرض الخبيث ويتوقف انتشار المرض عندو
كريستيل: ممكن هل حكي بس هال تجربة البسيطة الي بابسط دول العالم الثالث والغير مكلفة اجراءها يمكن

اجراءها عنا من وقت ماكتب عمنا اسعد الله يرحمو هالمقالة يعني من 2010 لهلق ماحد فكر يعملا

ونحنا
2030 و هل النقاش العلمي البسيط من كل الفهمانين الي عنا ماحد نيقشو مو معقول مو معقول
نتالي: يالطيف ايشو بدي قول شقد ماتت عالوم وشقد تعزبت عالوم بهل مرض من ايام عمنا لهلقا ودكاترتنا
وصيادلتنا قعدين نطرين الغرب ليجيبولنا علاج وبيجوز العلاج كان بين دياتن