خمسة عصافير بحجرة واحدة

السبب الاساسي مو تحسين مستوى الجامعات السورية .... برأيي طبعا

السبب هوي البطالة المقنعة:
يعني نحنا عنا عدد هائل من الشهادات بسورية ، بس مع ذلك الطالب بس يتخرج ماعم يلاقي شغل (طبعا إلى جانب الأجور المنخفضة اللي بيتلقاها بالبداية وارتفاع المعيشة) فبيطر إلى الهجرة...
وأنا بعتقد أنو كان السبب من البداية هو التخطيط التعليمي المتساهل، يعني ومن دون زعل، الطالب صار بواسطة الإعادة بيقدر يطالع الاختصاص اللي بدو ياه، فالأسئلة بتتكرر كتير، وبتجي المسائل متل ماهي بالكتاب (نسخ لصق) ولما بيوصل عالجامعة، ماكان يلاقي مشكلة لأنو سنوات الرسوب المسموحة إلو كتيرة كتير، فضلا عن نظام الـ 50 واللي مابيتقارن بالنظام الحالي...

على كل أنا بعتقد أنو تفكير الدولة وتوجهها الحالي كويس كتير، مع أنو صار أصعب ، بس بيحسن مستوى الجامعات+ بيعطي فرص ليلي بيستاهل أكتر

وشكرا على الموضوع

الموضوع حساس ودقيق براي الشخصي يعني في اسباب وتوجيهات اكبر من انوا نحنا نبت فيها او نعرفا
طبعا لامانع انوا الواحد يتسأل بس ضمن الموضوعية الوحدود الي في يوصل الها
مشكحورين جميع

الأمر عادي كتير نحن الطلاب عنا ما بيدرسوا لأن لحد الوقت الحالي الجامعات السورية لا شيء و لدرجة أن جريدة بلدنا تهجمت بشكل فاضح لموقع جامعة دمشق على الأنترنت بسبب ضعفه الشديد و لمعلومات إضافية حول النجاح و الرسوب لو عملوا خط انحراف معياري ما رح ينجح و لاطالب و لو كان النجاح مثل الجامعات الأمريكية و الجامعات اللي بتتبع نظام creaditالنجاح فيها 73 درجة كان لازم من زمان يرفعوا درجة النجاح.

ياسيدي هي شغلت موقع الانترنيت وما الموقع والحفلات مستغناي عنه الجامعات السورية وجامعة دمشق
ويلي بيدرس بجامعات نظام الcreadit وبيتخرج أنا واثق مافي يمسك كتاب من كتب جامعة دمشق او حتى يفكر يدخلها
يعني الدراسة بطريقة غربية ضمن مجتمع يرفض العادات الغربية غلط
أما تهجم الجريدة لموقع جامعة دمشق
فالموقع فعلاً عادي كتير بالنسبة لاسم الجامعة
بس وافي بالغرض وبيحكمه شوي الروتين وأنا برأيي يخضع للهيئة الإدارية الطلابية
أما المواقع الخاصة بالكليات فهي ممتازة وموقع جامعة دمشق يحوي كل روابط هذه الكليات والمعاهد.
وعم يقول في جريدة أنا النتائج مو عم تنشر ع الموقع
بس انا نتائجي باخدها من الموقع بعد صدورها بحوالي 12 إلى 24 ساعة
يعني في أعلانات الجامعة والنتائج والقرارات يلي بتهم الطلاب
وكمان الجامعة فيها تعمل درجة النجاح مو 73 لكن 90 ويجيبوا أسئلة ممكن لأي واحد معو بكالوريا يحلها.
نحن مو ضد القرارات يلي ذكرناهن في البداية حول نسبة النجاح وغيرها
وهوي لازم هادي الأمر يتم على مراحل :
1- عند صدور هكذا قرار لازم يجزأ إلى مراحل يعني مو دفعة واحدة.
2- يطبق القرار بعد صدوره بمدة لاتقل عن 3 سنوات أو أكثر.