عطونا رايكم...

اقتراح حلو ...
صراحة لاحظت هالشي
وبضم صوتي لصوتك اخ سامر وبطلب من الجميع قراءة جميع الاقسام والرد على الاشياء اللي بيحبها كل شخص
ترا وبنفس الوقت بحس انو هالشريط الو فوائد يعني الشخص بيشوف المواضيع اللي الها ردود كتير وبالحالة بيجوز يكون الموضوع الو اهمية

وأنا مع اقتراحك
بس يمكن ما فيهم يلغوا
المهم فينا نعتمد لشغلي أكتر فاعلية وأحلى
أنه نشوف المواضيع الجديدة التي تكون مميزة عن غيرها
حيث يكون الرمز في بداية الموضوع بني اللون
وهيك بيكون الرد عم يكون ع المواضيع الجديدة وليس الأخير
ولحتى نعرف أنه القسم فيه موضوع جديد بيكون لون الرسالة جانب أسم القسم أخضر وليس أصفر

عدل سابقا من قبل silverhok في 5/13/2009, 11:27 am عدل 1 مرات

اول شي بالنسبة انوا فينا نلغي الجواب اي فينا نلغي
اما بالنسبة الى تلوين المواضيع بالوان كيفي فبتوقع انوا في تتاكد من هاد الشي من اسفل المنتدى مشروح كل لون لاشوا بيفيد وناطرين اقتراحاتكون لنشوف اذا الكل بيفضل نلغي او نتركه

مشكور على اقتراحك يا معلم سامر ...
أنا رأيي أنو ما نلغيه، لأنو بعتقد أنو بيعطي العضو فكرة حلوة عن كمية المشاركات الجديدة.. وأنا صراحة بعتبرو شغلة مهمة

أما بالنسبة لأنو الأعضاء رح يعلقوا على المواضيع القديمة، فبعتقد أنو هالشي مارح يشجعون بهالمجال، لأنو الشخص اللي ما عندو استعداد من تلقاء نفسه أنو يرجع للمواضيع القديمة مارح يغير تفكيرو اذا عملنا هيك شي...

بحب قول للكل ... وطبعا إلك بالأخص يا معلم سامر بما أنك طرحت هالموضوع، أنو هايالشغلة فيها تكون شخصية بحتة، يعني فيك بكل بساطة أنو ترجع انت تعلق على مواضيع قديمة وبتشوف كيف الشباب بيصيروا يعلقوا عليها كمان

أنا عملت هالشي كذا مرة، وأكيد لاحظتوا هالشي، بس المشكلة أني معلق على حوالي 80-90 % من مواضيع المنتدى، ومو حلوة أني رد علق على موضوع معلق عليه من سابق مرة تانية

مشان هيك بما أنو الأخ سيلفر والأخ وانس حبوا اقتراحك، فبتمنى منهون أنون يكون عند كلامون ويرجعوا شوي للمواضيع القديمة ويعلقوا عليها، بدل ما ينزلوا مواضيع جديدة، وبيكون إلهون كل الشكر

طبعا هالكلام موجه لكل شخص بيوافقنا الرأي

وتحياتي للجميع

كمان انا بأيد الشباب اذا في مجال يلتغي الشريط
وبيصير الواحد يفوت عالقسم يلي بيوافق ميوله
وبيقرا شو في جديد أو قديم وبرد عليه اذا بدو
لأنه فعلاً الغالبية بتقرا المواضيع يلي عالشريط بس
كمان بحب اشكر الإدارة لتعاونها معنا

والله أنا بحب قول شغلي
مشان أنه نعلق لمواضيع قديمه منعلق
بس يعني وقتي المخصص عالنت دوبني لحق علق على المواضيع الجديدة ولحق نزل مواضبع جديدة بالمنتدى بس ولا يهمك رح حاول كل يوم بدخل فيه رجعلي شي خمس أو ست مواضيع من القديمات
وبالنسبة للمواضيع الجديدة لازم نرد عليها أنا برأيي
لأن منكون عم نقرا مواضيع اليوم ومبارح مو مواضيع الشهر والسنة الماضيات
وأنشالله خير
بس بالنسبة للشريط المتحرك أنا مع انه يبقى وما لازم يلتغى
وانا قلت للمعلم سامر عبارة بأول الموضوع:

وأنا مع اقتراحك

وبقصد الفكرة للتصويت مو مع اللغي

نعتقد أنو بقاء الشريط هو الأفضل للمنتدى..

لأنو متل ما قال سيلفر يعلق الواحد لمواضيع هالأسبوع أحسن ما يعلق لمواضيع صرلها شهور

بس بحب قول أنو مو شرط الواحد يعلق مشان يعلق، يعني يا معلم سيلفر بيكفي أنك تحط موضوع جديد وتعلق لتنين جداد ولتنين أو تلاتة قدام ومافي داعي بكل دخلة عالمنتدى يعلق لعشرين موضوع...

على كل يعطيك العافية يامعلم سيلفر سلف، وإنشاء الله تكون المواضيع القديمة اللي رح تعلق عليها (انت أو غيرك من الأعضاء) هي مواضيع فعلا مميزة ومو بس لنرجعها عالواجهة، يعني نحنا بدنا أقضل المواضيع تاخد حقها مو أكتر

والله أنا شايف أنو الحديث بهالموضوع فيه شوية غرابة، لأنو هالشي لازم يكون مبادرة شخصية من الأعضاء، وخاصة أنو حكينا عنو أكتر من مرة، ومو محرزة على هيك شغلة نعمل كل هالموضوع

وبالأخير مشكور يا معلم سامر
وتحياتي

الأنسان لازم يعلق لكل موضوع بيقرأه
وأنا عم أقرا الكل معقول ماعلق؟
المهم أنا رح حاول أختار مواضيع قديمة معينة
وأنشالله تكون مميزة

والله يا معلم ، انت حر بالتعليق عالمواضيع اللي بدك ياها
أصلا المنتدى مابيحلى بلا تعليقاتك المميزة...

بس :

الأنسان لازم يعلق لكل موضوع بيقرأه

هاي أنا بخالفك فيها تماما...
أنا بقول أنو (( الإنسان لازم يقرأ كل موضوع بيعلق عليه))

على كل منتظرين أنو نشوف المواضيع المميزة القديمة عم ترجع للواجهة من جديد وتحياتي

ايه اشو في
الي بدو يعلق على المواضيع ضمن الشريط بس هاي حريتوا وهوي عم يفقد كتير مواضيع حلوة ضمن المنتديات
ورح اقلب المواضيع وخربطين ببعضين ومنشوف التعليق رجع للمواضيع القديمة
وصحتين للشباب

ياشباب بعد إذنكم الشريط ضروري كتير ومهم مميز والناس حرة تشوف اللي بدها ضمن المواضيع وتعلق عاللي بدا اياه

والناس حرة تشوف اللي بدها ضمن المواضيع وتعلق عاللي بدا اياه

فعلاً بالأخير الناس حرة
وما حدا جابرها لأي شي
بس القصد تنظيم المنتدى من المشاركات المتكررة
وتعريف الأعضاء بمواضيع قديمة مميزة يمكن راحت عليهم