ظاهرة غريبة في حفلات محردة

من الأفضل أن يكون هناك تقنية في أي عمل ينجز وأن يكون بحرفية قوية
وشكرا

انا بشكر مرور الجميع وبتمني كل من لديه اقتارح ان يطرحه عسانا نجد حل لهذه المشكلة


دمتم سالمين

تحياتي للجميع وشكرا ابو جميل لطرح هيك موضوع مبين انو الجميع عم يعاني من هالمشكل وخصوصا الساكنين بجنب المطاعم وانا اكيد من شعورهن لانو مابيوصلهن غير الضجة
انا قريت جميع التعليقات على الموضوح وبحب وضح للشباب انو مافي شي بسوريا اسمو مهندس صوت او جامعة بتعلم هالشي مع العلم انو موجود العديدين من مهندسين الصوت الخياليين متل الفنان طاهر مامللي مابعرف اذا سمعانين في بس اكيد مافي حدي رح يقدر يجيب طاهر ماملي لحفلتو لانو بتصور المبلغ رح يكون كبير شوي وهادي اكبر سبب عم نعاني منو
على فكرة الضجيج هوي الي عم يزعج الموجودين وماعم يخليكن تنامو من الطنين الي عم يصير مع الاغلب بعد الحفلة وهالمشكل عم يجي من ورا نظام الصوت بالحفلة وخصوصا من الاجهزة المستخدمة بمحردة مع العلم انو الشباب الي عندهن اجهزة صوت بيفهمو بنوعية الصوت بس للاسف مو طالع بايدهن شي لانو مافي واحد مستعد يدفع 2مليون ثمن اجهزة صوت كاملة المواصفات (ملاحظة هذه الاجهزة ممكن توصل الصوت لحماة (مثلا) ومايكونو الموجودين بالحفلة مزعوجين ولا يصيبهن طنين بعد الحفلة ولا بدهن قطن يسدو دينيهن بالحفلة ) لان الاجهزة بتكون متكاملة من ناحية ارتفاع الهرتز وانخفاضه وتكيفه مع الالات الموسيقية واصوات المطربين
والسبب الي عم يمنع من وجود هالاجهزة انخفاض الاجور
سمحولي وضحلكن انو اجار جهاز الصوت يتراوح بين الفين و3الاف وهادي المبلغ كتير بسيط وانا اكيد انو البعض عم يخسر رغم اجهزته البسيطة (طبعا الاجهزة البسيطة ثمنها يتراوح بين 400الف و500الف) ومعرضة للاعطال غير اجور النقل يعني الشباب عندهن كتير تكاليف ومالازم نظلمهن لانو عم يقدمو اقصى ماعندهن من جهود ليطلع هيك صوت من هالاجهزة البسيطة

هلق كل هالحكي وجعتلكن راسكن ويمكن مالقينا حل
انتو برايكن اشو النسبة المئوية للاشخاص القادرين يدفعو اجار جهاز صوت من 25الف الى 75 الف بمحردة
ليحصلو على صوت جميل وغير مزعج بالحفلة ؟؟؟؟
تاني شي مو ملاحظين معي انو كمان في مشكل ببعض الاشخاص الي بدهن يقعدو عالبيست ويكون الصوت واطي؟؟؟
يعني كمان في نسبة للصوت لازم تكون بارتفاع مناسب ليسمعها الموسيقين الي عالمسرح او بعدين الطبل (طبعا اهم الة بالحفلة للاسف ) بيخرب الدنيا وبتصير القضية شوربة

وفي مشكل كبير عنا سمحولي احكي في مع احترامي للجميع حفلات محردة وخصوصا الاعراس صارت عبارة عن معركة يعني مافيك تسمع شي كل الحفلة لانو كل الحفلة من اولها لاخرها الطبل عم يرقع والاغاني الشعبية شغالة واين الموسيقا الي بهالاغاني وللاسف هيك اغاني بتطوشك من دون مايكون في صوت مرتفع لان هيك اغاني عبارة عن كومة من النشاز [ندعوك للتسجيل في المنتدى أو التعريف بنفسك لمعاينة هذه الصورة]
وبعدين عطوني رايكن مابعرف اذا حكيي صح او لا مو ملاحظين انو كل حفلات الاعراس متل بعضهن يعني نفس الفرقة ونفس الحمص والمتبل ونفس المطرب ونفس الاغاني ونفس الحضور يعني يوم بتكون عم تحضر ويوم بتكون عريس (هون بتكون راحت عليك)

بالاخير بحب قلكن انو في كتير اسباب للي عم يصير بحفلاتنا والطوشة الي عم تصير معنا مو بس من الصوت العالي

وعطوني رايكن وانا متابع معكن ولاتواخذونا اذا طولنا عليكن

والله حكيك كلو درر واما بالنسبة الى حدا قادر يفع مبلغ كبير للصوت يمكن قليلين
اما بالنسبة الى حفلات محردة فاول حفلة بتكون مميزة وباقي الحفلات بتكون حفظة الروتين من اغاني وايقاع لانوا متل ما تفضلة مكررة

موضوع واقعي ...و ردود حلوة ..يارب تبقى سماء محردة مليلنة صدى اغاني والحان بلكي بيوصلنا شئ موال ونحنا بهالغربة والله مشتاقين لحفلات ضيعتنا كتير .غنوا وافرحوا وانبسطوا ...كلوا حلوا ضمن الحدود ..هيك صار كبرة الضيعة وصارت المقاصف بين البيوت ..هل نلوم الفرقة ولا البيوت ولا اجهزة الصوت ولا اهل العرس ولا اصحاب المقاصف ...شي بحير ..بالنسبة لي انا بفكر كتير شو شعور جماعة ساكنين قرب المقصف وكانوا محزونيين وجرحهم طري حدا فكر فيهم شوبتكون حالتهم لما بيسمعوا صوت العتابة ...موضوعكم حلوا كتير والحل بايد مين مابعرف المهم الله لا يحرم ضيعتنا من اجواء الفرح

والله حكيك جواهر يا معلم تايغر
شكراً

المشكلة الصوت العالي ضروري لحتى كل الضيعة تعرف انو هوني في حفلة
مو اكتر من هيك

من كام يوم حضرنا حفلة
واكن مهندس الصوة مع مزيد من الاسف بتفاخر من الفرقة والمطرب انوا مهندس صوت من حماة ( يعني شغلي كبيرة )
طلع لا يفقه شي بالصوة وهندستوا
شي يصفر مكرفون المطرب شي الباس عالي شي التوتر عالي
وسماعات موزعه فوق راس الحضور وكتير ناس كانت بدا تفصل السماعات
والمشكلي الي بالبيست الصوت عنهون واطي الصوت كان قوي بس للجالسين
يعني لو موزع السماعات حول البيست كان افضل
بيعين الله

هذا الوقت كلو هيك بيحاول انو يكون هوي شغلية كبيرة اي يعرف و معلم وهوي عامل حفلات كتيري

عن جد لازم يلتقى حل
لانو الموضوع كتير ناس
بيعانو منو

والله هالحكي مظبوط
وكتيرحلوي فكرة أخد القطن الطبي لأن مافي غيرهالحل

الله يساعد الي ساكن بجوار المطاعم ياناس شي مابيتصدق الازعاج وبدنا حل

سمعان مو هون يا أبو جميل

الله يرجع الامن والامان ...............والحفلات وأزعاجها

الله يسمع منك
هلق لحتى حسينا بهاد الشي

شكرا على الموضوع الهام
بالفعل الصوت العالي فيه ازعاج للأخرين و خصوصا في هذه الأيام فترة إمتحان الشهادتين التعليم الأساسي و الثانوية العامة

الاخ العزيز الحسن للكمبيوتر
نحن نتكلم بشكل عام عن الحفلات
وبالانتباه انه معظم الحفلات والاعراس تبداء بعد موسم الامتحانات بشكل عام ايضا
واشكر لك اهتمامك بالموضوع

والله معكن حق بشغلة الصوت بس قول تعودنا
بس الي بيزعج اكتر متل ماقالت الهام
اصوات المواتير كتير مزعجججي

انبسطو السنة لافي حفلات ولافي شي...

فعلاً السني ليزم يلتغيني الحفلات

merciiiiiiiiiiii