لعبة المليونير المحرداوي ...

شو من كان نوع اللعبة شكرا لجهودك

شكرا لك
وللتنويه فقط
الملف مصنوع بملف بو بوينت 2007
للذين حملوه ولم يعمل لديهم

شكرا بس بدي أطلب منك طلب ...إذا ممكن تشرحلي حتى لو شرح بسيط كيف عملتو بالبوربوينت

طريقة صنع البرنامج بسيطة للغاية، بس أطول من أنو تنشرح بموضوع واحد، بس رح حاول وضحلك الأفكار الرئيسية، ورح اعتبر انو عندك خلفية مقبولة بالتعامل مع برنامج البوربوينت، أو الأوفيس بشكل عام:

أهم شي بعمل البرنامج هو الفكرة الرئيسية، يعني تصورك عن البرنامج (عدد الأسئلة، وسائل مساعدة، الشرائح الاستهلالية أو الانتهائية) ، وبتبقى بقية الأمور هي ربط الشرائح ببعضها:
1ـ أول شي اعمل شريحة ترحيبية، أو أي شريحة افتتاحية بتحبها (حسب نوع العرض).
2ـ ابدأ بكتابة الأسئلة اللي بدك تشكل منها المسابقة.
3ـ وهي الخطوة الأساسية، اربط بين الشرائح، بحيث تغطي جميع الاحتمالات اللي ممكن يتعرض لها المتسابقة (أو الشخص اللي عم يستعرض البرنامج)، يعني كأن تربط الجواب الخاطئ بشريحة الاجابة الخاطئة، وتربط الجواب الصحيح بشريحة السؤال التالي....
طريقة الربط:
بعدد ما تحدد الاجابة اللي بدك تربطها (سواء كانت صحيحة أو خاطئة)، بتاخد خيار إدراج ، وتحت خانة الإدراج، لازم تلاقي خيار اسمو (إجراء)
لما بتضغط على هالخيار بيطلعلك نافذة بتحدد فيها أولا، الشريحة اللي بدك تربط الجواب معها، وكمان في تحدد صوت محدد يسمع لما بيضغط الشخص على هالخيار... وهكذا

وهيك متل ما قلنا بتغطي كل الاحتمالات اللي ممكن تتعرض إلها، وإنشاء الله بتوصل لنتيجة

عذرني على الاختصار بالشرح، بس مافي وقتك اشرحلك الأمر بالتفصيل، انت حاول جهدك، وأي مشكلة بتواجهك أنا جاهز وما عندي مانع، بس برجع وبأكدلك أنو جودة البرنامج بيتعلق بدرجة كبيرة بالتخطيط الجيد وعدم ترك أي ثغرة أو خطأ أثناء ربط الشرائح
وللعلم فقط، بقول أنو على الرغم من أنو طريقة العمل سهلة بس بتاخد معك وقت طويل، خاصة إذا كنت عم تعمل مسابقة مكونة من عدد كبير من الأسئلة، وكل وسيلة مساعدة بتضيفها، بتسبب تضاعف عدد الشرائح الاساسية تقريباً ، مشان هيك حاول مبدئياً بمسابقة صغير من 3 أسئلة مشان تقلل من ضياع الوقت
بالتوفيق

شكرا الشرح كتير مفهوم بس اذا فيك تشرحلي اكتر عن وسائل المساعدة

تكرم ...

رح وضحلك أكتر:
رح نفرض أنو عنا مجموعة من 10 أسئلة أساسية، وبدك تحط وسيلة مساعدة (حذف إجابتين) مثلاً:
إذا جينا نحسبها شوي، رح تلاقي أنو الشخص لما بيضغط على حذف الاجابتين، لازم ينتقل لشريحة فيها نفس السؤال اللي كان فيه ولكن محذوف منو اجابتين خطأ ... مو هيك ؟؟!!
فاللي لازم تعملو أنك تنسخ كل الشرائح الأساسية اللي عملت فيهن الأسئلة، بعدين تروح عالشرائح اللي نسختهن، وكل وحدي منهن بتشيل منها اجابتين خطأ، يعني بالمحصلة بيصير عندك:
1) 10 أسئلة أساسية.
2) 10 أسئلة بنفس الترتيب بس محذوف من كل منهن احتمالين.
3) الربط بين الشرائح المتتالية. بحيث أنو الشخص اللي بيستخدم وسيلة المساعدة (حذف الاجابتين) مرة وحدي ينتقل من المجموعة الأولى إلى المجموعة التانية ويتابع فيها....
متل مو شايف ، أنو إضافة وسيلة وحدة أمر بسيط، لأنو انت مارح تضطر تضاعف عدد الأسئلة إلا مرة واحدة. بينما اذا حبيت تضيف أكتر من وسيلة، فالشرائح رح تزيد لأعداد كبيرة كتير، وبيصير ياخد الموضوع معك وقت طويل للربط وعدد كبير من الشرائح...

الشغلة كلها هي أنو تحسب كل الاحتمالات الممكنة وتربط الشرائح بشكل صحيح بحيث أنو الشخص لما بيستخدم وسيلة ما ترد ترجعلو من جديد، وهاد هوي السبب اللي بيخليك مجبور تعمل مجموعة جديدة من الشرائح بترتيب الشرائح الأساسية نفسها بس بيكون ناقص منها وسيلة المساعدة اللي تم اختيارها بشكل سابق..

بتمنى الشرح واضح هيك بالنسبة إلك، وبأكدلك انو الشغلة مو صعبة بس بدها تركيز وتعطيها كل الوقت اللي بيلزمها:

أنا عملت مسابقة تانية من زمان، بس ما حطيتها بالمنتدى، ورح حطلك ياها اذا حبيت تحملها، ورح تشوف أنها مكونة من عشرين سؤال وبثلاث وسائل مساعدة (حذف اجابتين، الجمهور، وتغيير السؤال)، وبحب تعرف أنها مكونة من أكتر من 700 شريحة وأخدت معي حوالي 10 ساعات شغل (على مدة أربعة أيام) !!!

الحجم: 1.98 ميغابايت
التحميل: لعبة المليونيير 2

شكرا كتير هيك صار الشرح تمام ومن شان الوقت هلق نحنا بعطلة ربيع في كتير وقت
ورح حاول حمل اللعبة

أهلين فيك

شكراً يا حكيم عم تنزلنا كتير شغلات حلوي الله يقويك
شـــــــــــــــــــــــــــــكــــراً