الزواج شو

أحلا شي بهلدنا الزواج متاتسدق إلي بتقرأ ولي بتسمعو

بعدين حسب البنت إلي بدك تتزوجهاإذا بنت أصل بتعيش
عشه هنيه وإذا نكديه بتلعن أبو يوم شفتا
نصيحه روح إتزوج وعزمنا لاتنسي

لسه ما جربت بس جرب بقلك بس بتوقع وقت بتكون مع الانسانة اللي بتحبا رح تكون كتير مبسوط وخصوصي متل ما قال ماهر اذا كانت بنت اصل مو بنت بدها وبدها وبدها وبدها وبدها وبدها وبدها وبدها وبدها اوف طايف قلبي من كلمة بدي معليش ؟

لسه ماجربنا بس حسب تصوري اذا كان بين اتنين متفاهمين بيكون تتويج للمحبة وبداية مرحلة جديدي من عمر الانسان وسمعنا اخبارك بس تتزوج

يا سيدي انشالله بتتزوج عن قريب بتشوف انو حياتك صارت احلي وامتع بكير واشو بدك باللي بيقول غير هيك ونحنا منعطي عالصبايا شوي لنعمل جو
ونصيحة خود بنت مؤدبة بتعيش هناء مو طبيعي .......ولك ما فيك اتنام اذا متزاعلين ومنشان الطلعة والمشوار بجوز يخفني لانو صار عندك التزام اتجاه عيلتك بس المشوار مع زوجتك بيسوى 100
ولا تركض متل الشباب هالايام ورى الموظفة بتتعب كتير

والله اسا ماجربت بس اكيد هي شغلة كتير حلوة ومرحلة لازم الكل يمر فيا يعني بالنهاية الي كاتبو الله بس ياماريو انا ماني معك بالعكس الموظفة بتريح كتير بس هاد مابيعني انا كلشي بس لما بيكون راتبين بالبيت اكيد اريح من واحدة بعدين دخيلك حسبا انو اذا كل النهار قيعدة بالبيت لا شغلة ولا عملة ولي بعد شهر بتكون قد البرميل ههههه

soso
فهمتيني غلط انت معك حق منشان الوظيفة وراتبها بس انا قصدي انو لا يحطها اساس

اي معك حق اساس مالازم بس اذا بتكون موظفة احسن ولو ماريو

شكراً لكم جميعاً
كنت حابب أنو حدا يشجعني عالفكرة شوي
بس يبدو أنكن كرهتوني العزوبية

ابن محردة كتب......... انا ماني متزوج ولا خاطب ولا في حب بحياتي.......
دخلك ليشوا عايشششششششششششششششششششششششششش.... .
خوض بس اول مرحلة .. لاغضر اعطيك رائي والك مني نصائح قيمة صدقني ..

طيب معليش تعطيني النصيحة ميسون بلكي بمشي حالي؟

إذا سمحتو...... يا أصدقائي ... أنا حابب أعطي رأيي بالموضوع
أولا: قاعدة ثابتة بتقدر من خلالها أن تجعل علاقة زواج تنجح ... أو ... تفشل .... ما في
الزواج مرحلة تغيير حقيقية في حياة الزوجين, و بقدر ما فيها متعة و راحة وإحساس بالأمان.... فيها مسؤوليات وتعب تنازل عن بعض الحريات الشخصية من كل طرف لصالح الطرف الآخر
هلّق بقدر ما بيكون الطرفين قادرين على فهم وتلبية احتياجات الطرف الآخر – طبعا ضمن الحدود المنطقية لحياتنا الاجتماعية – بقدر ما بتزيد فرص نجاح الزواج
أما العكس ,فبيزيد فرص الخلاف والتوتر و بالتالي الفشل
خصوصا في الفترة الأولى من الزواج ...... ليش؟
لأنو الشب والصبية عايشين ببيتين مختلفين – إلى حدّ ما - و بدهون على الأقل سنة إلى سنتين لحتى تتقارب طباعهن لبعض وبعدها تصبح الأمور أوضح و أسهل للطرفين في التعامل مع صعوبات الحياة اليومية و مشاكلها و بالتالي تبسيطها لتمّــر بدون ما تعكــر الرتم الطبيعي لحياة زوجين متفاهمين
للأخ ابن محردة بحب قللك أنو الآراء ممكن تختلف أو تتفق بهالموضوع من شخص لآخر , إذا بدّك رأيي ... أنا بشجّعك .... قوّي قلبك الجازة حلوة

يا سيدي ما في أحلى من الزواج غير الزواج
بالعكس على القليلي بتصير تلاقي جنبك واحد سواء شب كنت أو بنت شخص توثق فيه وتعتمدعليه وتأمنو لأسراك
ويوقف معك بالنجاح والفشل والفرح والحزن
لهيك اسمه شريك
إذا في ببالك شي بنت حلال
لاتقصر لأن انت الخصران وبكرا ع الكبر بتعرف لما ما بيضللك غيرها
قول الله......

ميسون كتبت

دخلك ليشوا عايشششششششششششششششششششششششششش

أنا شايف أنو لازم الإنسان يجرب العزوبية مشان ما يندم أنو ما عاشها بعد فوات الأوان

وكمان

خوض بس اول مرحلة .. لاغضر اعطيك رائي والك مني نصائح قيمة صدقني

أول مرحلة هي الاختيار.
يعني ما في نصائح بخصوصها؟؟؟

مو كتير بنصحك طول بالاختبار ..ياما علماء بقيوا يشتغلوا على اختبارت علمهم عامات وسنين وبا لاخر فشل اختبارهم .يعني ماوصلو للنتيجة لبدون اياها .
خود وقتك با لاختبار وبس خلصت رد لنا خبر .

ياسيدي قال في واحد متزوج وعايف حالو من مرتو وكرهان حياتو وبيتمنى يرجع عذابي
فسألوه شو أول شغلة بتعملا اذا رجعت عزابي
قلهن بدي اتجوز

هلق انا معك الواحد بس يتزوج ويواجه الحياة بمسؤليات اكتر بكتير من العزوبية من جميع النواحي (فتح بيت -اسرة-زوجة -بعدين كمان اطفال.....الخ) بيقول شو كنت مرتاح لما كنت لحالي بس صدقني انو بلحظات تانية بيشوف انو الحياة بعد الجازة فيها شغلات كتير مميزة ... اول شي بيعرف انو في حدا ناطرو بكل وقت وفي حدا بيحكيلو كل شي مافي يحكيه لحدا غيروا وباي وقت كان وكتير اشيا .....الطلعات والروحات والمناسبات غير شكل مع الطرف الاخر
انشالله كون وصلتلك وجهة نظري ...وماتنسا كل مرحلة الها حقها بالنهاية يعني لابد من الزواج وانا بشجعك

شكراً hadi و wanes.o
تعاليقكن وآراءكن كتير حلوة ومؤثرة

الزواج شيئ رائع
انا برايي اسرع قدر المستطاع
وانت الربحان
هاي نصيحة شب عزابي