إلى متى ........... وكيف

وليكن مثالنا الأعلى في هذه المدينة ( أخوية كنيسة السيدة ) لأنها تمثل محردة قديماً

ولم ترضى أن تنام وهنا ك جائع واحد فلها ألف تحية

صحيح مازال لدينا بعض الإيجابيات وهناك أشخاص يعملون وبدون مقابل لصالح هذه المدينة وهم معروفون ولكننا نتنا سيهم فلهم أيضاً تحية

ولكننا نعمل كقول السيد المسيح ( الأصحاء لا يحتاجون إلى طبيب بل المرضى)


اخي الكريم عماد اشكرك من اعماق قلبي على طرح هيك موضوع مهم وحساس ومتداول بكثرة هذه الايام.
ولكن مع مزيد من الاسف وانت ادرى من الغير على هذه الامور التي تنهش مجتمعنا الذي كان يضرب به المثل بكل مكان وهو ( الخوف و الكره)
انهما مسببان المشاكل لدينا
فلم يعد الاخ يساعد اخاه بل يطمع به وينهشه من كل جانب واصبح الخوف يتملكنا بينما كنا من اسياد الرجول بوجه كأن من كان
ولن اطيل الكلم لانه يوجد الكثير منه
وانا اضم صوتي لك وانا جاهز لكل ما يطلب مني من تنفيذ ((وضمن مقدرتي طبعاً))
وشكرا لك مرة ثانية

موضوع حلو كتير يا أستاذ عماد .. وكلام كله مزبوط .. بس أكيد ما فيك تغير الكون من هيك موضوع
هاد كلام و بالمنتدى صار كتير كلام عن محردة وكله كلام .. وإذا بدك كلام فاضي
حلو نسمع هيك كلام من حضرتك بس ما في فائدة منه .. يعني يا مين ينفذ !!

قلت حضرتك : الجيل الصاعد وبعد أي نقاش معه تكتشف أنه لم يعد يفرق بين الأمور الحسنة والأمور المعيبة
ولا تعني له عاداتنا وتقاليدنا أي شيء
يعني هلق أغلبية هالجيل الطالع ما فيك تحكي معه فما بالك حدا يشور عليه "والحق ع الأهل لأنه وقت بدن الأهل بيربوا .. وبكفين بيمشي الحال والولاد مابيتربوا غير بالضرب لأنه بيكال كفين المرة الجاية بيصير بيسمع كلام أهله وإذا ما سمعه بيعرف بده ياكل كفين"
وشفنا الدلال شو عمل بالولاد
وحتى الأهل ماعاد عم يقدروا يربوا أو المجتمع تغير وصار في انفتاح كتير وصار في فرق كتيـــــــــر كبيـــــــــر بين الجيلين

صاروا الطلاب يدرسوا بالمدن ويلي تعامل مع أهل المدينة بيشوف شقد في فرق بينا وبيينن
نحنا هون بسطاء هني ملاعين .. سيبك من هاد .. الفقر بالتفكير بينا وبينن من السما ع الأرض الفرق بيناتنا تفكيرنا كتير محدود
ويلي بيشوف كيف تفكير إبن المدينة بيبطل يعجبه تفكير أهل ضيعته وبيصير بده يعمل متل إبن المدينة وهون المشكلة
يمكن أنا اسا صغيرة وما بعرف محردة كيف كانت قبل بس أنا شايفة أنه هلق الوضع بيهوي عنا
عقول متحجرة : أنا هيك بشوف أغلب ناس محردة .. بس شوف مظاهر وعلاك مصدي وصار كل مين معه فرنكين شغلة!!
ومع هيك حارتنا ديقة ومنعرف بعض وكتير منيح منعرف بعض
أما إلى متى ........... وكيف؟ فلاتعليق "رح تقتلنا المظاهر" أكتر من هيك ما رح قول
الأغلبية ليست راضية عن هذا الوضع وإنما تنساق مع التيار "جواهر هالكلام"
مشكور

موضوع جيد والكل بدو يعالجو ولكن بدون فائده حاجي ننشر غسيلنا ال----- مرض متل السرطان وقع بالجسم وبلش يمتد وحديثي النعمه واصحاب اكياس الاموال منين ماكان مصدرها نحنا يلي نصبناهن اصحاب قرار ومسؤولين عنا بطريقه مباشره او غير مباشره فاصبحوا اعضاء في لجنة الوقف وحلالين مشاكل ووجهاء الضيعه وكلمتهن هي الصح وصاروا ابو فلان وابوعلان والكل لما بيشوفن بيبتسم ابتسامه عريضه لانو هلق غمرتو السعاده \\\\\\\الله يرحم ايام زمان ولك يااخي هاي هيي الضيعه الضايعه بحبك يا تراب محرديييييييييييييي

حكيك جواهر معلم عماد الف شكر الك
والردود احلى ماعندي شي زيدو عليها لانو هوي نفس الكلام اللي ببالي
والله يقدم اللي فيه الخير لضيعتنا واهلها

يمكن هاي المرة العشرين او اكثر اللي بقرا فيها هالموضوع والتعليقات عليه ...!!؟
كتير شدني ،وكتير خوّفني ...اي خوّفني وخاصة لمى شفت هالنظرة التشاؤمية والحزينة اللي عم تعبر عن وضع شبه ماساوي في ضيعتنا ....
انا صحيح صرلي فترة ليست بالقصيرة مغترب ،ويمكن كون بعيد عن بعض التفاصيل او الامور اللي انتو شافينا عن قرب ،حتى كتبتوا ،ومن خلال سطوركون شفت الحزن والتشاؤم وشيء من اليأس ،على الوضع الاجتماعي بالضيعة ...وبنفس الوقت في سطوركون كتير واضح مدى الغيرة والمحبة ،والحس بالمسؤولية ..في طرح هيك موضوع مهم للنقاش ...

نحنا (كـ محردة)متلنا متل غيرنا عايشين في مجتمع ،وهادي المجتمع يسير نحو التطور سواء في العلم او المعرفة او التوكنولوجيا وحتى في الموضة والصراعة اللي كتير من شبابنا عم ينساق الها ...
اكيد كل هالامور فيها سلبيات وايجابيات ،ومنها تبدا المشكلة او تنتهي ...يمكن ان تؤدي الى فساد وانحلال خلقي واجتماعي ،ويمكن على العكس ان تؤدي الى نمو و ازدهار ومجتمع حضاري راقي ...

ان اي نبته حتى تنمو وتكبر هي بحاجة الى تربة وماء وسماد ...وبقدر عنايتنا لها رح نحصل على افضل النتائج التي نرجوها من زراعتها ...
كذلك هي حياتنا ...!!كل شخص فينا هو عبارة عن هذه النبتة ،والعائلة هي التربة التي نوجد فيها ،والمحيط القريب هو ماؤها ،والمجتمع العام ومأثراته هو سمادها...
من هنا وبالدرجة الاولى حتى تكون النبته صحيحة وسليمة من كل علة يجب وضعها في تربة جيدة ..!!
يعني البداية يجب ان تكون من العائلة التي هي الاساس لانشاء جيل قوامه سليم ..
هي الاساس المتين لبناء مجتمع صحيح كله محبة واخلاق ،مبني على الخير والاحترام ومحبة الغير ..

emad-shs كتب :

أصدقائي المشكلة وصلت إلى المرحلة الصعبة وهي العائلة وهي أساس المجتمع
فكيف تفهمون أولادكم أن الحياة قد تكون ظالمة ولكن عليهم أن يعيشوها بشرف ومرح
وكيف يفهمون أن عليهم التغلب على المآسي العائلية التي تحصل أحياناً والاقتداء بالخير على الرغم أن الشر ينتصر أحياناً

كلام رائع ..وضمنه المشكلة ،والحل

المسؤولية تقع على الجميع

لنبدأ من أنفسنا ومن العائلة

هادي هوي الصح وهو الطريق الذي يجب ان نسلكه في سبيل الوصول للنتيجة التي جميعنا نتمناها

TIGER-1 كتب :

وانا اضم صوتي لك وانا جاهز لكل ما يطلب مني من تنفيذ ((وضمن مقدرتي طبعاً))

بدي حييك معلمنا لهذه الروح وهذا الاندفاع الذي لاينم الا عن مدى حبك وغيرتك لضيعتك واهلها واللي ترجمتو بكتير مواقف بشكرك عليها من كل قلبي ...

butterfly كتبت :

أما إلى متى ........... وكيف؟ فلاتعليق "رح تقتلنا المظاهر" أكتر من هيك ما رح قول
الأغلبية ليست راضية عن هذا الوضع وإنما تنساق مع التيار

عزيزتي هون تكمن المشكلة لو انو كل ويحد فينت انساق مع التيار لصرنا جميعنا في الهاوية ...
كل منا يجب ان يقاوم هذا التيار بقدر استطاعته ،ولنكن ايد وحدي لبناء سد في وجه الغلط والمظاهر والقشور الذائفة ...ونبني مجتمع شعاره المحبة والصدق مليء بالاخلاق والحضارة ...

hade كتب :

موضوع جيد والكل بدو يعالجو ولكن بدون فائده

اسمح لي ياصديقي انا ماني معك بـ هالحكي لانو اذا كل ويحد فكر هيك رح نبقى محلنا هاد اذا مازاد الطين بلة ...انا معك اكيد مو بليلة وضحاها رح نحصل على كل النتائج المرجوة ...ولكن على المدى الطويل والتكرار المتواصل رح نوصل ....بس ليزم نبلش قبل حتى نوصل

هذا أفضل من أن لا نصل ونغرق نهائياً

صحيح مازال لدينا بعض الإيجابيات وهناك أشخاص يعملون وبدون مقابل لصالح هذه المدينة

وانا بقول :لنمد ايدنا اليهم ونتساعد كلنا في تصليح مافسد ...وربنا معنا

لو انو كل ويحد نظف قدام بيتو لاصبح كل الحي نظيف
وطبعاً انا ما بقصد كلمة النظافة بمعناها الحرفي ،بل قصدي كل شيء صح

تحياتي سيد emad-shs لطرحك هذا الموضوع المهم ،وهادي اكبر دليل على مدى غيرتك ومحبتك لبلدك ...وسعيك لمصلحتها وخيرها

طولت سامحونا ....الله معنا ...وتحياتي للجميع

يا اخ عماد كلمة شكر قليلة لطرحك هالموضوع
مع انو ما عندي شي زيدو عن الشباب وانا معك انو هاي مو نظرة تشاؤم بس الوضع هيك صار وبرايي للاسوأ ماشي اذا ما انوجد الحل بشكل سريع وبظن الشباب ما كتبوا عن الحلول بس عن اراؤون
بس رح علق لبعض كتاباتون
butterfly
نحنا هون بسطاء هني ملاعين .. سيبك من هاد .. الفقر بالتفكير بينا وبينن من السما ع الأرض الفرق بيناتنا تفكيرنا كتير محدود

انا ماني مع هالفكرة لانو اهل محردة من يوم يومون بيدرسوا برى وحتى باوروبا وين الجيل الماضي اللي فكر بهيك طريقة بعدين انا اللي بقرر مع مين لازم اتعامل اثناء دراستي برى ليش عم انبعد عن ابن ضيعتنا او غير ضيعة يعني من طينتا غير لانو نحنا بدنا نمشي ورى الغلط بعدين وين التفكير المحدود عنا انا شايف العكس

كمان butterfly
عقول متحجرة : أنا هيك بشوف أغلب ناس محردة .. بس شوف مظاهر وعلاك مصدي وصار كل مين معه فرنكين شغلة!
المشكل انو عم انقول عقول متحجرة ونمشي بهالطريق متل ما بدنا هاي العقول اينتي كان عندون هالشي العم يصير بهالايام والحديث عن هالموضوع طويل
ومعك انا بموضوع المظاهر ومحاولة التقليد الدارجي عنا كمان سبب من اسباب الفشل والمشكل الاكبر صار بهالفرنكين الزيادي لانو كلوا صار شايف حالو احسن من التاني وبدو يحدث اكتر السيارة او البيت او ...او...او.......
hade

موضوع جيد والكل بدو يعالجو ولكن بدون فائده حاجي ننشر غسيلنا ال----- مرض متل السرطان وقع بالجسم وبلش يمتد

يا سيدي هاد مو غسيل وسخ هاي غيرة ومحبة لمحردة واهل محردة لانو الوضع صار صعب كتير
محتى مرضى السرطان رغم انون بيعرفوا ما في امل بس بيحاولوا المعالجة وبيتركون المساعدة والعون من الله المهم الواحد يعمل اللي عليه

كمان كتب
حديثي النعمه واصحاب اكياس الاموال منين ماكان مصدرها نحنا يلي نصبناهن اصحاب قرار ومسؤولين عنا بطريقه مباشره او غير مباشره فاصبحوا اعضاء في لجنة الوقف وحلالين مشاكل ووجهاء الضيعه وكلمتهن هي الصح
صح و100% بس وين البديل واشو الحل وبتمنى يلتقى بديل وحل لهالمشكل

والمعلم سامر كتب
ان اي نبته حتى تنمو وتكبر هي بحاجة الى تربة وماء وسماد ...وبقدر عنايتنا لها رح نحصل على افضل النتائج التي نرجوها من زراعتها ...
نعم ولكن التربة وهم الاهل برايي يجب ان تكون جيدة وصالحة للزراعة
الماء وهو المجتمع والمدرسة ولكن السنا بايام الدروس الخصوصية فاين الري الصحيح
اما السماد فاصبح قطعة نادرة لانه كل ما تراه من حولك من الامور الجيدة ولكن اين هي.........



ومعك حق
لو انو كل ويحد نظف قدام بيتو لاصبح كل الحي نظيف

أنه ماريو شو مشان كلامك !! ممكن توضيح أكتر
انا اللي بقرر مع مين لازم اتعامل اثناء دراستي برى ليش عم انبعد عن ابن ضيعتنا او غير ضيعة يعني من طينتا غير لانو نحنا بدنا نمشي ورى الغلط
مين قال أنه عم نبعد عن ابن الضيعة !! مين قال بدنا نمشي وراء الغلط !! كتير قهرتني بهالكلام على فكرة ماريو
إذا حكيت مع بنت مدينة بكون عم أمشي وراء الغلط !!
التفكير المحدود بالعقل بالتفكير .. مو بالتحرر واللبس والطلعلات والفوتات
نحنا ناس محترمين يا ماريو وبنات محردة مربايات أحسن تربية و ع سلامتك أنا حكيت معك بغرفة الدردشة وشفتك أكابر
أنه ما بعرف هالكلام يلي حكيته خص نص إلي ولا عم تحكي بشكل عام ؟؟

شو رأيك أنه رفيقتي من الضيعة كانت بدها تنام بغرفة مع بنات محردة هني 3 بنات بالغرفة ومشتريات شاغر
يعني عندن 4 تخوت
فبتطلب منن أنه تنام عندن .. بيجيها الرد نحنا ما منحب حدا غريب ينام معنا بالغرفة
مع أنه هي تنتين من البنات اللي ساكنين بالغرفة هي كانت ساكنة معن السنة الماضية !!
أي دخيل الله حاج بقا نضحك ع بعض

شوف رح أعطيك كم مثال ع التفكير المحدود أنا هي بشوف طبعاً مع احترامي لرأيك ولكل الآراء :
* مثلاً بتجي ع الوفقة بالشارع:
مو عيب أنه البنت توقف مع حبيبها بالشارع .. بس عيب أنها تقعد معه بالكفتيريا
مع أنه قعدة الكفتيريا أكابر ومحترمة أكتر من وقفات هالشوارع إللي بتهوي
وإذا صار وقعدت بالكفتيريا مع حبيبها تاني يوم بتصير علكة بلسان الناس
* عيب مثلاً ناكل سندويشة بالشارع !! .. لك حتى الأكل صار عيب
* عيب وقت بدنا نحاسب بالكفتيريا نطالع المصاري يعني مثلاً أكتر من وحدة تطالع مصاري حتى تدفع "هون ع البنات عم أحكي"
عيب بينكسر البريستيج مع أنه البايخة يلي عم تحكي عن البريستيج ما معها تحاسب حساب الطاولة
* عيب إذا البنت لبست لبس مرتب وهي بالجامعة بتصير كتير متخنتها .. لازم نروح بتياب شحادين يعني هيك بدهن أهل ضيعتنا .. حتى لبسنا بدهن يتدخلوا فيه
* عيب إذا كان عندها رفقات بنات و شباب برا الضيعة "على فكرة أنا ما بحكي مع شباب أبداً برا الضيعة"
* عيب إذا اشتغلت بمحل سواء بمحل بالضيعة أو برا الضيعة بتصير بنت مو منيحة !! الغباء قاتل
وشو بدي عدلك لعدلك
وهاد الكلام يلي كتبته مو من العدم هاد واقع ملموس و معاش

الاخت العزيزة butterfly
انا ما رح دافع عن حدا ولكن :
نحنا ناس محترمين يا ماريو وبنات محردة مربايات أحسن تربية و ع سلامتك أنا حكيت معك بغرفة الدردشة وشفتك أكابر
أنه ما بعرف هالكلام يلي حكيته خص نص إلي ولا عم تحكي بشكل عام ؟؟
انا هون رح قلك حديثوا بشكا عام وليس شخصي
اما عن باقي الشي الي كتبيته فهوي صح وواقعي ونحن عم نلمسوا
اما بشان :
عيب مثلاً ناكل سندويشة بالشارع،عيب وقت بدنا نحاسب بالكفتيريا،عيب إذا كان عندها رفقات بنات و شباب برا الضيعة،عيب إذا اشتغلت بمحل سواء بمحل بالضيعة أو برا الضيعة،عيب إذا البنت لبست لبس مرتب وهي بالجامعة.
فهون رح بتدخل وبقول انوا هاد الشي مانوا عيب وحاليا في كتير من الجنس الناعم عم يفوت للكفتريا ويحاسب عن حالوا وعن غيروا كمان((؟)) وياكل بالطريق سندويش وغيروا وهاد شي عادي وفي كتير كمان عم يشتغلوا بمحلات او شركات سواء بالضيعة او بالخارج وما حدا بيحسين يجبي سيرتهين ولو بقشة صغيرة والحمد الله صباينا من اروع شكل بيرحني للجامعة بتياب بترفع الراس وهون في نقطة مو كل صابيع اليد نفس بعضها يعني الي ما ينوجد حدا يشذ قليلً اما بشان الاصدقاء من الخارج فالبنت عندها اصدقاء والشب كمان عندو اصدقاء وهاد شي عادي وظروف الجامعة بتطلب هيك لانوا نحن بعيدين عن الجامعة ومنحب نغيب كتير واذا ما غطوا عنا اصدقائنا الغرب ونحن كمان بالتالي منغطي عليهون وهاد شي كمان عادي وواقعي (( بس كلوا ضمن الاصول))
وبتوقع انوا نهاجم بعضنا بهل الشكل ما رح نوصل لحل وانما نزيد الطين بلي .
نحن لازم نتساعد ونلاقي حلول لهل الشي الصاير وليس اعلان حرب ومعركة قاسية يا ربحانيين يا خسرانيين
الشغلي بدا تروي ودعم ومساندة بعضنا لنحل هيك موضوع كبير ومهم

ودمتم سالمين

بشكر كل من كتب ولو كلمة بهذا الموضوع لنه إن دل على شيء فهو بيدل على محبتهن وغيرتهن لضيعتنا الغالية محردة ........
أما بالنسبة للموضوع فانا بوافق الكل ولكن بحب قول أنو هادي مو نشر لغسيلنا الوسخ متل ما قال احدهم إنما الإشارة للخطأ هو جزء من إصلاحه ..........
أكيد اكيد أكيد انو الحل واضح وموجود بين دياتنا أصلا وما في داعي ندور عليه الحل انو ما نحط الحق عالأهل أو على الأولاد فكل منهما له مسؤلياته .... كيف يعني ؟
يعني نحنا كشباب أو كشباب جامعي يدرس في الجامعة يتعرف على أفكار وثقافات مختلفة بيحاول توظيفها في خدمة ضيعته وبيحاول توصيلها لأهله ( لحتى يعرفو الجو العايشين فيه ولادهم في المدينة ) هون بتصير عملية متل مناقشة بين الطرفين للوصول إلى حل موديرن ولكن لايفتقر إلى الثقافة والتقاليد الموجودة في الضيغة ........... مثلا موضوع الوقفي :
(( متل ما منعرف كلنا انو ما في شي اسمو حارة ( وقفي ) بالمدينة (( معلومة : في مرة جيي معي رفيقي من الجامعة ليشوف أشو هاي الوقفي اللي منحكي عنها )) ولكن بيصير لقاء بالكفتيريا وفي الأماكن العامة دون أي خوف أو خجل لأنو الي عم بيصير هو تعارف بين شب وصبية بيحبو بعض فليش الخجل او الخوف ..... ولكن بنفس الوقت لازم تكون قعدتهن بكل احترام حتى ما يسيئو لحالهن ............))
من هون أنا رأيي إذا صار شوية نقاش بين ( الأهل والأولاد ) بهيك مواضيع وغيرها بيوصل الطرفين لحلول مقنعة


وبرجع بقول أنو كل إنسان بينطلق من ذاتو

الله يوفق الكل ويكون معنا ومع كل مين بيمد إيد العون لخدمة هالضيعة العظيمة
بدي أختم مع كلمة قلي ياها أحد كهنة ضيعتنا ( مطلوب منا ومن كل واحد قادر أنو نضل صابرين ومتمسكين بعاداتنا وحياتنا اللي تعودنا عليها لأنو الكل بدهن يوصلو لمرحلة يحسو أنو لازم يرجعو لهل الطريق اللي مشيو عليه أبائنا واجدادنا )
وشكرا

butterfly
اول شي بتمنى انو ما تنزعجي من رايي
بعدين انا ما حكيت بالسوء عن حدي انتي قلتي انو التفكير والثقافة بالمدينة غير كان جوابي انو ليش ما منمشي مع نفس مستوانا واذا بدنا الافضل نحنا منقيه يعني نحنا المسؤولين عن العاطل والمليح

أنه ما بعرف هالكلام يلي حكيته خص نص إلي ولا عم تحكي بشكل عام
اكيد بشكل عام مو لكي لانو انا ما بحكم لاي شخص مين ما كان غيابيا واذا في سوء تفاهم لا تواخذينا
ومنشان السكن والمنامة اتعودنا لهالاشكالات بين الطلاب يعني هالشغل عيب بس منرجع ومنهدي حالنا ومنقول (منضل ولاد ضيعة وحدي)
ومنشان العيوب معك حق وانا بردّي الاول كان انو المظاهر والتقليد هوي شغلنا الشاغل وهاي المشكل والعيب الاكبر
وبتمنى من كل قلبي ما حدي ياخد اي رد على محمل شخصي ونحنا هون لنلاقي حل مو لنزعل من بعضنا

وبشكريك على نظرتيك المليحة فيي

عدل سابقا من قبل mareo في 4/23/2010, 8:31 am عدل 1 مرات

متل ما قال المعلم سامر، هالموضوع صار مطروح أكثر من مرة، وشفنا الردود عليه أكتر من مرة، ومابتوقع أنو في داعي أرجع أشكر صاحب الموضوع أكثر من اللي انقال...

صراحة أنا ما قريت كافة الردود على الموضوع، لأني شفتو طويل شوي ، ومامعي كتير وقت لاقرأ تعليقات جميع الأخوة، مشان هيك فضلت أنو اكتب ردي بغض النظر عن بقيية الردود فآسف إذا رح يكون في شي مكرر...

بس قبل ما اكتب ردي، بحب قول أنو اللي لفتلي نظري هو ردود الآنسة بترفلاي، واللي فعلاً (مو فاجئتني) وإنما ما كنت بتمنى أنو أقراها بهيك موضوع!!!
أسلوبك بكتابة الرد الأول جداً رديء وهالعبارات والمصطلحات اللي عم تذكريهن مو حلو أنها تطلع منك ومابعرف ظروفك لما كتبت الرد بس تأكدي أنها غلط كبير.

الوضع بيجوز سيء بمحردة، بس أفضل بملايين المرات مقارنة مع بقية المناطق، وانتي بيجوز شايفتيه سيء لأنك ما تعودتي عليه، بينما إذا حبيتي تقارني الوضع عنا بالوضع في المدن (اللي ما بعرف أشو بيعجبك فيها) رح تلاقي أنو نحنا بألف رحمة، بس طبعاً هون لازم يكون في أساس عالمقارنة مو مقارنة عشوائية.

اسمحيلي يا آنسة بترفلاي، بس بيجوز الشي الوحيد الصح اللي شفتو بردك هو دلال الولاد وأنو الحق على الأهل، أما موضوع المقارنة مع أولاد المدينة فهو خطأ كبير ...

عقول متحجرة : أنا هيك بشوف أغلب ناس محردة .. بس شوف مظاهر وعلاك مصدي وصار كل مين معه فرنكين شغلة!!

أكيد أنتي مو شايفة أغلب أهل محردة، ولا حتى 1% منهون، وبخصوص الأمثلة اللي ضربتيها:

* مثلاً بتجي ع الوفقة بالشارع:
مو عيب أنه البنت توقف مع حبيبها بالشارع .. بس عيب أنها تقعد معه بالكفتيريا
مع أنه قعدة الكفتيريا أكابر ومحترمة أكتر من وقفات هالشوارع إللي بتهوي
وإذا صار وقعدت بالكفتيريا مع حبيبها تاني يوم بتصير علكة بلسان الناس
* عيب مثلاً ناكل سندويشة بالشارع !! .. لك حتى الأكل صار عيب
* عيب وقت بدنا نحاسب بالكفتيريا نطالع المصاري يعني مثلاً أكتر من وحدة تطالع مصاري حتى تدفع "هون ع البنات عم أحكي"
عيب بينكسر البريستيج مع أنه البايخة يلي عم تحكي عن البريستيج ما معها تحاسب حساب الطاولة
* عيب إذا البنت لبست لبس مرتب وهي بالجامعة بتصير كتير متخنتها .. لازم نروح بتياب شحادين يعني هيك بدهن أهل ضيعتنا .. حتى لبسنا بدهن يتدخلوا فيه
* عيب إذا كان عندها رفقات بنات و شباب برا الضيعة "على فكرة أنا ما بحكي مع شباب أبداً برا الضيعة"
* عيب إذا اشتغلت بمحل سواء بمحل بالضيعة أو برا الضيعة بتصير بنت مو منيحة !! الغباء قاتل

محدا إلو حق يتدخل بهالأمور بس خلي ببالك شغلة:
بخصوص شغل البنت: بتوقع أنو البنت عنا هي اللي ما بتحب تشتغل، لأنو صايرات بهالفترة كلكن أميرات، ودوبك تلاقي بنت ع تساعد أمها بشغل البيت، فكيف تشتغل بمحل!!!

وبخصوص اللبس: انتي حرة البسي متل مابدك، لأنو بالنهاي عم تعبري عن شخصيتك، وإذا لبسك كويس فمحدا إلو حق يحكي حتى لو كنتي كل يوم بتروحي بتياب شكل

أما موضوع الرفقة: فهي إذا رفقة مو غلط، بس للأسف مو دائماً عم تكون هيك

بيجوز رح نطلع كتير عن الموضوع، بس لما شفت ردودك يا آنسة بترفلاي كتير انزعجت، وبشكل أخص من أسلوبك بالكتابة


أنا رأيي باختصار أنو العالم عم يتغير، والتقدم التكنولوجي والعلمي متل ما إلو إيجابيات رح يكون إلو سلبيات، وبيجوز اللي عم نعتبروا اليوم مثاليات رح يجي بكرا واحد ويقلك (عقول متحجرة) مثل الآنسة بترفلاي!!!
أنا ما قصدي أنو نتقيد بالعادات، بس الأصح أنو نطور عاداتنا مع محافظتنا على القيم واللي نحنا عم نجيبها أولاً وأخيراً من ديننا المسيحي ...
والعفو من الجميع ، بس أنا شايف أنو الأوضاع صعب تتحسن والأمور كل مانها عم تتدهور أكثر وأكثر، مشان هيك أنا شايف أنو أنسب طريقة أنو كل واحد ينتبه للي حواليه (ابنه - اخته ـ بنته ...) مشان ما تنجرف ورا التيار (اللي يبدو أنو كلنا اتفقنا على أنه خطأ) ، بس الواقع هوي الواقع ومافي داعي لنبلش نولع خلافات بيناتنا ما إلها داعي، لأنو هالموضوع مابيقدم ولا يأخر مع احترامي لصاحبه

شكراً ، وآسف عالإطالة

أنه ما بعرف لأي حد أنا كنت جريئة بالكتابة
وتوقعت أنه الإدارة تحذف مساهماتي
ومبقا أحكي شي أبداً لأنه شوي تانية رح ينعملي حظر من الدخول ع المنتدى
ولا تواخذيني فارس ما قصدي إزعجك ولا إزعج غيرك

بس الصراحة حلوة احيانا

وبعتقد يا [ندعوك للتسجيل في المنتدى أو التعريف بنفسك لمعاينة هذا الرابط] ما زعجتي حدا لهل الدرجة بس كان عندك وجهة نظر

عم بتقول يا فارس أنه أسلوبك بكتابة الرد الأول جداً رديء وهالعبارات والمصطلحات اللي عم تذكريهن مو حلو أنها تطلع منك ومابعرف ظروفك لما كتبت الرد بس تأكدي أنها غلط كبير.
ممكن تحذف الشي الرديء ؟؟ أنا عم بطلب هالطلب منك يا فارس
أو مثلاً إذا فادي بيحذفلي الشي الرديء
أو مثلاً أني أحذف أنا مساهمتي هيك لازم؟؟
ما بعرف

أولاً بدي أشكر كل من علق على الموضوع على الرغم أن البعض اتجه إلى طريق ثاني

وكنت وما زلت أنتظر رأي الجميع بالطريقة التي يجب أن نتعامل بها مع كل مسيء بهذه المدينة

الآنسة بترفلاي:

لم أرى في تعليقك على الموضوع أي غلط وإنما تبدين رأي بالموضوع

والحقيقة أن المنتدى وجد لمناقشة أي موضوع ولنسمع أراء مختلف شرائح المجتمع

فعندما طرحت بالموضوع ما يتعلق بجيل الشباب كنت أنتظر الرد

وجاء ردك واضح وصريح جداً وأعتقد أنه يمثل وجهة نظر الجيل الجديد

من ناحيتي أشكرك جداً على هذه الصراحة البعيدة عن المجاملة

وأتمنى أن أسمع رأيك (ويهمني ذلك ) بالطريقة التي يجب أن نتعامل بها مع

المفسدين بهذه البلدة لأنك من الشباب الصغار الذين سيكتوون بنار المجتمع مستقبلاً

الآنسة بترفلاي: لك تحياتي

تايغر : أنت صاحب صدر واسع ...تحياتي إليك



أتمنى الخير والصحة للجميع

butterfly كتب:عم بتقول يا فارس أنه أسلوبك بكتابة الرد الأول جداً رديء وهالعبارات والمصطلحات اللي عم تذكريهن مو حلو أنها تطلع منك ومابعرف ظروفك لما كتبت الرد بس تأكدي أنها غلط كبير.
ممكن تحذف الشي الرديء ؟؟ أنا عم بطلب هالطلب منك يا فارس
أو مثلاً إذا فادي بيحذفلي الشي الرديء
أو مثلاً أني أحذف أنا مساهمتي هيك لازم؟؟
ما بعرف

ماحدا لازم يحذف شي وكلشي انقال رح يبقى
وكل واحد حر يعبر عن رايوا والطرف التاني لازم يناقشو بالشي الي حكا عنوا
وانا بفضل نتابع نقاش بدون حذف اي شي
الا اذا صار تعدي على فرد او طائفة او حكومة وقتها لكل حادث حديث

إي هه هيك منكون محراوية ومنعبر عن رأينا بحرية

الى متى .............وكيف؟
انا بقول الى متى (الى اللانهاية ومتل ما قال احد الاخوي صار الوضع متل السرطان انتشر بكل الضيعة )
اما كيف (مارح كون متشائم كتير وقول ..بس يلاقو علاج لمرض السرطان ممكن تتحسن الامور بهالضيعة)
وبقول للانسة butterfly المدينة والجامعة والدراسة برا مالا علاقة ....نحنا منقرر اذا بدنا تسايرون او لا لاهل المدينة...
بس بضم صوتي لصوتك و بقلك في شغلات وعادات بمحردة لازم تتغير لانو صارت عادات (بالية)ومافي حاجي حدا يتمسك فيها تحت
شعار(عاداتنا وتقاليدنا ما بتسمح بهالشي)

الموضوع طويل و ما بيخلص ,,,,,,,,
تحياتي للجميع

انا ما رح علق بشئ لانو كلامكون كافي ووافي بس عندي شغلة صغيرة انو الواحد يشوف حالوا ويحسن حالوا طبعا مني وجر وبعدين يحكي مع الاخرين وبالنسبة لحكي
butterfly الانسة
كلوا مظبوط انا معك بوجهة نظرك
وبالنهاية بقول حلوة الحضارة بس نحنا عنا الحضارة عم تصير فلت ومفكرين ان هاي هي الحضارة
تحياتي لفاتح الموضوع
وشكرا

للتذكير بالموضوع

تحية ألك أبو جميل للتذكير بالموضوع
وأنا عندي رأي صغير وبسيط
باعتقد أنو المركز الثقافي أنوجد لخدمة المجتمع
حتى الصالة بالكنيسة القديمة هي لهشي هاد
ورأيي ليش ما بيتم عقد ندوات (بفضل بالمركزالثقافي ) ويتم تبني هالشي من قبل جمعية أهلية بمحردة ليتمك جمع الشباب في هذه الندوات لأخذ الاراء والاستماع للمشاكل والنظر في ما يحدث حاليا من مشاكل يتم السعي قدر الامكان إلى حلها ومن خلال هذه الندوات يتم شرح ما يحدث
في محردة بغض النظر أن البعض سوف يزعل لأنو الجميع لازم تكون قلوبهن كبيرة لاستيعاب الشباب بداية بالاهل ورجال الدين وانتهاء بمحدثي النعمة بالطرق الغير مشروعة ( برد بكرر بالطرق غير المشروعة اللي بيشوفها البعض مشروعة قلت البعض ) ويتم عمل حملة أعلانية لهذه الندوات,وطرح كل موضوع على حدة ( أشدد كل موضوع على حدة )ومحاولة جمع أكبر عدد من الشباب وكبار محردة ورموزها في هذه الندوات
مع طرح المواضيع بواقعية من قبل الجميع وليس بمثالية
لنصل إلى محردة كما نريدها

صديقي العزيز تايغر
أشكرك جداً على التذكير بالموضوع
يبدو أنك مثلي تخشى أن نكون قد بدأنا نغرق حتى تذكر بالموضوع
لأننا هذه الأيام نحن بحاجة إلى كبير بالضيعة / اليوم وليسى غداً /
وأنا أسف إذا قلت أننا نعيش على كف عفريت ......... وليسى من مبالي ... للأسف..
طرحت الموضوع وكنت أتمنى أن أسمع بعض الأراء..... بدل من المشاحنات ومازلت أنتظر
وقد ساعدتني بالتذكير بالموضوع وأنا أشكرك جداً على المجهود الكبير في متابعة كل ما يتعلق بالمنتدى

تحياتي للجميع

اولا تحيلاتي لكما اخوي العزيزين
اما بشان طرح الاخ hanimina
فلقد سعيت بشكل كبير لتنفيذه اول بمفردي وحين فشلت بداءت اجربه مع عدت اشخاص وهم يمثلون امور في محردة ( وفهمكم كفاية )
ولكن شاءت الظروف ان تخدم ولو قليلا ونستطيع ان نلملم اطرف البيت المحرداوي في هذا الوقت العصيب وهنا لن اطيل بالشرح
واتوقع يا اخي emad-shs
ان الناس في هذه الايام قد بداءت تندم على ما فاتها
ومازلت انا احاول على كافت الاصعدة على تقريب جميع الناس من بعضها
وكم اتمنى من يستطيع ان يساعد ان يبداء وبشكل فردي او اذا يحب جماعي فانان موجود ويوجد معي مجموعة من الشباب نعمل على موضوع زيادة الفكر والافكار
ولكم من اجمل تحية اخوي emad-shs و hanimina

انا بدي اشكر الجميع للحكي المفيد
وبرايي الشخصي
يجب ان يبدا العمل من المؤسسة الصغيرة والاهم اي ( المنزل )
وبعدها نتفرع الى باقي المؤسسات بالتدريج
حتى نصل الى مستوى الضيعة كاملة
لانو متل ما يقال
يلي كبر الحجر ما ضرب...........
فارجوا من الجميع ان يبدا كل شخص بنفسه وعائلته
فان وجد نتيجة
يستطيع ان يبدا بمن حوله
ولكم جزيل الشكر للموضوع المفيد جدا ...........