كانت حبّه الأولْ 00 دارها بدمشق القديمة دار عربية
لها حديقة تضم أشجارا مختلفة / رمان نانرج برتقال/
كان يزورها ببيتها 00 اضطرته الظروف للسفر 000
غاب عشر سنوات ونيف ثم عاد لدمشق بعد انقطاع
أخبارها عنه مدة الغياب 00 ذهب لمنزلها 00 وجد
هناك أناسا جدد يقيمون بالمنزل 00 ولا يعرفون
عنوان منزل حبيبته الجديد 00 فوقف أمام بيتها
وقال قصيدته بعنوان :
= دخّان سيكارة =
مْرَقتْ حدّ البيت عا مَهْلي
بأفكار مثلْ حْبالْ مرجوحة
الجو رايق والدرب سَهْلِة
وبرداية الشباك مفتوحة !!
بيتك 00 الْكَنْلِي عهدْ جوّاتو
في ظاهر و بعدو مثل ما كان
الباب ذاتو و الدَّرَجْ ذاتو
وسبحان يا اللي غيّر السّكانْ !!
كلّفتْ جنح الشوق يحملني
لبعيد للماضي الوَعَدْنِي فيك
وفزعانْ بُعْدْ الدربْ ياكلني
وتخلص عيوني قبل ما لاقيك !!
سْألتْ عنّك زهرة الجَلْنارْ
الفي كثير من أسرارنا معها
صارتْ غريبة في حْواض الدار
وما عاد تِذْكُرْ مين زارعْها !!
وفتّشتْ شو عندي بقالك ذِكْرْ
بِوْراقْ مِبْيضّة وْمِسْودّة
وما وْصِلْتْ عا آخر حدود الفكر
تا وِصْلِتْ الدّمعة عَلَى خَدّي !!
وبلّشْ يمرّ بْخاطري تْلاميحْ
وذكريات وبسّ يا خسارة
مِثلْ البيوقف في مهبّ الريحْ
يْطَلّعْ على دخان سيكارة !!
ومن يوم ما صار الغياب يْطُولْ
المجهول عم بيلفّ أحلامي
ورح ظل إتجرجر ورا المجهول
تا تُوقَفْ دْواليبْ أيّامي !!
عشقتك قبل ما صرْتْ تتعلاّ
وتضحك عَلَى آخي وتتسلّى
وِنْقَلْتْ نقلة ْ طيْرْ عا غْصُونك
و بعيونك قشعت الدّني كلاّ
وهلّق 00 لأنّي صِرْتْ مِنْ دونكْ
ما عاد عندي من الوفا إلا
إنْ كنتْ ميّتْ يرحمْ عيونكْ
وان كنت طيّبْ يحرسكْ الله !!
الشاعر عبدالله خبازة
» من اجل قطع الشك باليقين
» حوار الفاتنات
» قصة حب
» حلقة بحث
» الصبي و الكرسونة
» مرض العصر..............السرطان
» مشروع بحث علمي محرداوي حصرا
» سجل حضورك في بيت عتابا
» أفكارنا هي السبب الرئيسي لأمراضنا
» للأذكياء فقط
» حوار الفاتنات
» الصيدليات المناوبة لشهر كانون الثاني وشباط 2014
» المجموعة الاولى من البومات صور محردة
» المجموعة الاولى من فيديوهات محردة
» من محردة الى عرش انطاكية
» جديد جديد مش عم تظبط معي
» كيف بتقنع أهلك أنك بتدرس؟؟
» لعبة حرب الشاطئ Beachhead 2000
» طريقة فك قفل الحماية لموبايلات النوكيا !!!
» قصة الأربعين شهيدا
» الله يرحم جميع الشهداء
» المزرعة السعيدة
» الياذة العرب (10) الثانيه
» الياذة العرب (10)