بنات الناس لعبة .. واختك لا ؟ هيا استيقظوا ..

العزيز ابو عبدو ....تحياتي:
هالموضوع اللي طرحتو موضوع جدا جدا .....جدا مهم
بس للاسف (مع خالص احترامي للجميع)اذا بتلاحظ معي كل المواضيع الموجودي في الموقع عليها ولو على الاقل تعليق او رد...!!! الا هالموضوع..!!!!
اذا تسائلنا يا ترى شو السبب.؟؟
معقولي ماحدي قراه..؟؟اكيد لع..!!
ماحدي منا انحط بهيك موقف .؟؟.....بتوقع كمان لع
ماحدي منا بيعرف يرد ويعطينا رايو (سواء شباب اوصبايا).؟اكيد لع..100% اكيد في ..!!
و....و....و.....


ليش المواضيع اللي بتمس حقيقتنا بنبعد عنها...؟
ليش المواضيع اللي لها علاقة بحياتنا وبواقعنا بنتجنبها....؟
ليش....وليش...وليش.....؟؟؟؟؟؟؟؟؟
او بيكون ردنا (وللاسف) موضوع حلو..او مشكور...او يعطيك العافي..!!!!؟؟
..............................................................
.............................................................
برجع باكد مع خالص احترامي وحبي للجميع ..
هاي هي المواضيع الهامة والحساسة اللي لازم نحكي فيها

(ياريت نقرا ارائكم حول هالموضوع الرائع)



كل عام وانتم بخير........ميلاد مجيد

يسعد صباحك يا أبو ابراهيم الغالي

أنا بشكرك على ردّك المعبّر وأنا شخصياً معجب بهذا الرد الجريء

أنا بحب أكّد لكل الأخوة و الأخوات بموقع محرده أنو هذا الموضوع لا يتقصّد شخص معيّن .. إنما يعنينا كلنا معاً

أنا كشخص يشارك بموقع محرده شعرت أنو هذا الموضوع بيمس حياتنا اليومية وخصوصا الشباب والصبايا في سن المراهقة و حبيت أطرح هذه الفكرة لعلنا نستطيع جذب عدد من شبابنا الى الجانب الصحيح في علاقتنا الإجتماعية

أنا أشعر بالحزن عندما تصبح غاية و هدف شبابنا تجاه بناتنا هي مثل غاية وهدف أي عابر سبيل (أعتقد هذا واضح)

بحب أكد للجميع أنو أخواتكم هن أخوات لنا ... وأتمنى تعذروني لأن عنوان المشاركة ربما كان أقسى من اللازم

رأي شخصي:
أنا برأيي أنو الشرف هوي شي منحس في أكتر ماهو شي مادي لنقول أنو الشرف هو كذا وكذا لأنو الشرف مابيعتمد على تصرف معين وإن كان شرف الفتاة بالذات بمجتمعنا ارتبط بالعفة الجنسية

أما بالنسبة للشاب الذي يغازل وفي لحظة يري اخته في نفس موقعه مع شاب اخر فتثور ثائرته.... أنا برأيي أنو هادي الشب إما متخلف أو واحد بييييييييب لأنو إذا كان صادق مع البنت اللي هوي معا فلازم يكون عندو قناعة أنو هالنوع من العلاقات هي علاقات صحيحة وممكنة أما إذا ما كان صادق فهوي واحد بيييييييب

وعفواً من الجميع أنا هون بحب أسأل سؤال: أنو ليش دائماً منحكي ومنسأل عن شرف البنت وماحدي أو نادراً جداً نسأل عن شرف الشب وإذا كان في تعريف لشرف البنت هل بيختلف عن تعريف شرف الشب؟؟؟؟؟......
وليش وقت واحد ووحدة بيغلطو كل المسبات والحكي الوسخ بيكون من نصيب البنت ونادرا ما نسمع شخص عم يسب الشب لا وبالعكس في بعض البلهاء(اَسف عالتعبير) بيعملو منو بطل ؟؟؟؟؟؟؟؟

وشكراً

وأنا بحب ضم صوتي لصوت أبو ابراهيم وخاصة وخاصة وخاصة بما يتعلق -او بيكون ردنا (وللاسف) موضوع حلو..او مشكور...او يعطيك العافي..!!!!؟؟- مع احترامي للجميع بس وقت أي شخص عم يطرح موضوع للنقاش (وغالبا بتكون هيك مواضيع بتعالج مشكلة معينة بحاجة لحل)وبيفوت شخص بيجاوب مشكور عالموضوع الحلو شو استفادنا من هالرد أو بالأصح شو ساهم هادا الرد بحل المشكلة

وبرجع بقول اَسف من الجميع وماعم أقصد شخص معين وهادا رأي شخصي


وشكراً يا أخ بشار عالموضوع

(بحب أكد للجميع أنو أخواتكم هن أخوات لنا )
هالحكي صحيح تماما يابوعبدو.....مين منا بيسمع حدي عم يحكي عن شئ بنت من بنات الضيعة بالعاطل الا وبنفسه يقوم ياكلو....
فمن هالمنطلق حتى مانسمح لحدي قريب اوغريب يفتح تمو ويحكي علينا ...
لازم نحنا نكون صح اولا........كيف!!؟؟؟:
قبل كل شئ تعاملنا مع الاخرين ليزم يكون على اساس متل مابتحب ان يكون الاخرين في تعاملهم معك عاملهم انت اول(قصدي:بدك ياه يسبك سبو انت قبل...اوبدك ياه يحترمك احترمو قبل...وهكذا)
بعدين: قبل ما لوم وانتقد عيوب الاخرين ليزم شوف عيوبي واخطائي انا... ويكون بداية النقد والاصلاح فيي انا(ويحدنا بيشوف القشة بعين الاخرين وبينسى العمود اللي بعينو)...
تعاملنا مع الجنس الاخر:قصدي الاخت ,الصديقة,الخطيبة,الزوجة,اوحتى الام احيانا ليزم يكون على اساس حوار متبادل وبعيد جدا عن (على قولة المصريين)سي السيد
يعني كونو الله خلقك ذكر صرت الآمر والناهي بيحق لك ما لا يحق لهن...بل على العكس بالحوار والنقاش معهن بتقوي الشخصية لديهنا وايضا الثقة بالنفس
متل ما انت بتسمح لنفسك تغازل بنت اوتواعدها (لاي سبب من الاسباب) تذكر انو اختك عندها نفس الحق
فلا تحلل لحالك ماتحرمو لغيرك.....

خلاصة حكيي: امشي صح بيحتار عدوك فيك (اذا طبقناها بكل حياتنا ياعيني محلانا)



كل عام وانتم بخبر......ميلاد مجيد

تحياتي يا شباب وانا كتير بشكركن الى التطرق الى هذا الموضوع الي عم نواجهو فعليا في حياتنا ......
انتو عم تفتحو موضوع جدل كبير يتجاوز حدود ضيعتنا محردة وانا بوافقكن الراي لانو في كتير عالم ماعندهن ضمير ولا بيحسو بعذاب الضمير ومتل هالاشخاص مابيصعب عليهن لا شرف الناس ولا اعراضهن وحتى مستعد يبيع شرفو وعرضو ومتل هالحيوانات البشرية لانو من العيب ان نسميهن ناس لانو كلمة الناس تاتي من الونس ومن التعايش مع الاخر بينخاف منهن كتير ومابظن انا منحسن نركب ضمير للي مالو ضمير, لانو الي مابيسأل عن شرفو ما بتفرق معو اعراض وشرف الناس
اما بالنسبة الى ان الرجل مابينعاب متل المراة,انا برأيي انو الرجل بينعاب اكتر من المرأة والشرف مابيعرف لا رجل ولا انثى ....

المشكل انو عايشيين في مجتمع شرقي واكيد الكل بيعرف الفرق بين الرجل والمراة في المجتمعات الشرقية
البعض قال المراة بنص عقل , وانو الرجل مابينعاب وانو... وانو.... وانو وكتير قالو انو المراة قابلة للغلط اكتر من الرجل .
لليوم في مصر وبعض الدول العربية وغيرها يلجؤون الى الختانة لدى الفتيات لمنعهن من الانحراف او الوقوع في الغلط.
وانا بقلن بما انو المراة بنص عقل معناتا انها بنص ضمير وبنص شرف وهالحكي بيعني انو الرجل بينعاب اكتر من المراة لانو هوي صاحب العقل الكبير الكامل
نحنا موضوعين في بوتقة ومانا حسنانين نطلع منها
لازم نخلص من كل هالتفاهات الي عم تواجهنا ونوعي الجيل الصاعد الى طرق التعامل مع الجنس الاخر
لانو المشكل انو علاقات الشباب تصب في الجنس
وهادي غلط كبير
وانا بشد على ايدكن ياشباب لتوعية شبابنا ونفتح من هالموضوع صفحة حوار بين كل المحرداوية لنعرف آراء الشباب
وبشكركن كتير لهيك موضوع يا شباب
واحييكن وبحيي كل محرداوي غيور على محردة

موضوع رائع جدا ونقاشه جيد لكن لايكفي ان نسمعه نحنا للاسف بدي قول انو لازم التوعية تتم بكل المجال العربي ويكون الشخص يغار على البنت يلي بيعرفها ومابيعرفها متل ما بخاف على شرف اخته (ويلي ما فيه خير لحاله وعيلته فعلى الدنيا السلام) نحنا هالايام بيعمل الشب السبعة وذمتها وبالاخر تطلع البنت هي الغلطانة بحب قول للشباب حرام عليكم.....متل ما ذكر الاخ من شوي شرف البنت متل الزجاج بس انكسر ماعاد يتصلح والنتد ما ينفع وفهمكم كافي..............

مرحبا:
الشب لازم يرضى لأختو كل شي بيرضاه لحالو ..... واللي بيعمل غير هالشي هو انسان مريض نفسيا وبدو معالجة
أما بالنسبة إلى انو الحق على الشب أو على البنت إذا صار شي بيناتون، فأنا رأيي أنو هاد أمر مختلف، والحق على الشخصين معاً ولو أني بحمل البنت الحق أكثر من الشب بكتير ، لأنو الشب - بطبيعته الفيزيولوجية- يسعى في مرحلة الشباب إلى حب جسدي أكثر من البنت ، والبنت فيها بكل بساطة أنها ترفض أي شي بيخالف إرادتها لأنو الشغلة مو اغتصاب .

بس بحب هون قول، كما أنو في شباب كل حركاتهن مع البنات بس مشان التسلية والتباهي، كمان في بنات بيعملن علاقات مع الشباب مشان نفس الشي، وهاد أمر بيرجع بالنهاية للتربية المنزلية أولا وعادات المجتمع ثانيا ، وهو على الأغلب أمر ما فينا نغير فيه شي ....