قبل الخطوبة

القيل والقال هادي شئ لابد منه....اشو ماعملت وكيف ماتصرفت رح تلاقي نقد..ايي ليش عمل هيك..؟ ليش ماعمل هديك الشكل..؟..ليش...وليش...؟وليش...؟؟؟؟؟
ويابي ماكتر الليش...!!!!!

يمكن هاي طبيعة كل الناس ليزم يكون في قيل وقال....
واللي بدو يسمع هالقيل والقال مارح بعمرو ياخد قرار.....
نحنا بهالضيعة الحلوة عايشين فيها متل كانها بيت لعيلي كبيرة...كليتنا منعرف بعضنا..
والاغلبية قرايبين..ولو من بعيد..
وبراي مافي شب اوبنت بيقدم على مشروع خطبة الا وعرفان الطرف الاخر مين هو.. شو اصلو وفصلو ...ونتيجة لطبيعة ضيعتنا وعاداتنا مابظن انو في شب اوبنت بيخطب او بينخطب اللي بيكون مقابلو للطرف التاني لعدة مرات..(اوبالاصح كتير مرات)...يعني في علاقة بين الطرفين...ومن خلال هالعلاقة واللقاءات(الحارة ..بالمحرداوي)ليزم يكون كل ويحد سواء الشب اوالبنت يكون كون فكرة عن التاني ..!!وياهل ممكن تستمر هالعلاقة..؟؟وللي بدي اسمع اشو بيقولولي الناس ..(ماعندو بيت...مانو زنكيل...ويحد صايع داير على حل شعرو..!!هاي امها قوية...مانها موظفة...كان عشقانها فلان....و...و...)

من هالفكرة انا بقول:انت اوانتي قبل كل شئ وحدكون بتقرروا اشو بدكون....
لانو قد ماتسمعو لحكي الناس واشو ماعملتو تاكدوا اكيد مارح ترضوا الجميع...

على قولة ابو وديعكلام الناس لا بيقدم ولا بياخر)

بالتوفيق للجميع...والله يسمعنا بخطوبة الحلوين



كل عام وانتم بخير........ميلاد مجيد

معك حق يأخ بشار وهل الأمور مابظن أنو في حدي مو سمعون فيها أو مو مجربة .
وهل الأمور بينحكة عنها (على ماأظن ) بين النسون (الكراروت ) وخاصة وقت بيجتمعني بين بعضن فبيصيرني مايحكيني إلا عن الشعب .
على فلان عم هيك ...... وفلان أشترى هيك ..... وفلان ميشح ....
ومنن بيطالعني أشاعات ......


والله يستر من هيك عالوم .

والله قيعد بقلبي يا بو ابراهيم بس ليش ما كفيت الغنية:

كلام النّاس لا بيقدّم ولا يأخّر
كلام النّاس ملامه وغيره مش أكتر
وليه يا حبيبتي نسمعهم أنا عاشق بسمّعهم
عيوني ما حدّ يمنعهم ولا بالوهم حاتأثر
بكلام النّاس كلام النّاس
كلام النّاس لا لا لا بيقدّم ولا يأخّر

أنا حاسس أنا شايف أنا فارس ومش خايف
بحبّك مهما قالوا النّاس ورافع في هواكي الرّاس
عنّك عمري يا عمري عنّك عمري ما اتأخّر
وليه يا حبيبتي نسمعهم أنا عاشق بسمّعهم
عيوني ما حدّ يمنعهم ولا بالوهم حاتأثر
من كلام النّاس كلام النّاس
كلام النّاس لا لا لا بيقدّم ولا يأخّر

أنا حالف ما نتفارق أنا حالف لكون عاشق
وشيلك جوا ننّي العين مهما تكلّموا اللايمين
كلامهم عمرو يا عمري كلامهم عمرو ما يأخّر
وليه يا حبيبتي نسمعهم أنا عاشق بسمّعهم
عيوني ما حدّ يمنعهم ولا بالوهم حاتأثر
من كلام النّاس كلام النّاس
كلام النّاس لا لا لا بيقدّم ولا يأخّر