مطروح للنقاش

Bashar كتب:
ما هو سبب ضياع وانحراف أكثر الفتيات والشباب ؟

هل الظرووف لها يد في تشتتهم وضياعهم اخلاقيا ؟

هل تفكك الاسرة هي سبيل وصولهم إلى الهلاك ؟

أم هل بسبب ضعف الوازع الديني ومخافة الله ؟

أم هل أصدقاء السوء لهم دور في انحرافهم ؟

أم هل المدارس و المعاهد التعليمية لهم دور ؟

تحياتي بشار :
الاسباب التي ذكرتها هي اسباب شاملة للانحراف لدى الكثير من الشباب في المجتمع , ان الظروف التي تواجهنا في الوقت الحاضر هي احد اساليب هذه المشكلة من مافيها من اسلوب خاطئ في استخدام التكنولوجيا الموجودة حاليا في متناول يدنا
واعتقد ان 70%من هذه المشكلة يلقى على عاتق الاهل لان الاسرة هي اكبر مدرسة واكبر وحدة تعليمية ثقافية لاي فرد .
هذه الخلية الاجتماعية تؤثر في كل فرد فيها وهو يؤثر فيها
المشكل انو بعض الاسر عم ترخي الحبل لافرادها وهون قمة الغلط لانو مغريات الوقت الحاضر عم تجر الكثير من الشباب دون فهم الاسرة لهذه المغريات.
ان تفكك الاسرة مشكلة كبيرة تؤثر سلبا في افرادها لانها مدرسة اولى لكل فرد
رفاق السوء هي اكثر مشكلة صعوبة في هذه القضية ومن الاسباب السريعة للانحراف
(قلي من ترافق اقول لك من انت)
وهذه النقطة يجب مراعاتها بشكل كبير وخصوصا في بدايات المراهقة
المتغيرات التي تحدث في عالمنا غيرت المفاهيم المتواجدة حول سوء الشيء او حسنه
والجميع يلاحظ تغير الاساليب للتعامل مع الناس والمجتمع
وللاسف نحن نستخدم الحضارة الغربية بطريقة خاطئة .......
وهذا سبب كبير من اسباب الانحراف.............يتبع

أنا برأيي أنو السبب الرئيسي هو الأسرة ومنو بتجي بقية الأسباب لأنو وقت اللي الأسرة بتربي أبنها بطريقة صحيحة بيصير هادي الابن قادر أنو يميز رفيق السوء ويبعد عنو
وكمان بالنسبة للظروف بيتعلم يتعايش معها ويحاول تحسينا للأحسن بطرق سقيمة
وبيعرف يستخدم التكنلوجيا من التلفزيون للكمبيوتر والأنترنت ليطور حالو و و و و و بدل ما يكون همو الوحيد حضور الأفلام أول دخول المواقع الإباحية
أما بالنسبة للدين فأنا برأيي أنو إذا كان الشخص متدين فهادي شي بيساعد أنو يتجنب الانحراف أما الشخص غير المتدين فعدم تدينو مارح يكون سبب انحرافو لأنو بشكل عام الانسان المتدين بيكون الدين هوي الأساس اللي بيعتمد عليه ليقرر اذا كان شي صح أو خطأ أما الانسان الغير متدين فبيكون الاساس عندو هوي المنطق تبعو. وإذا كان الإنسان لا دين ولا منطق وقتها على الدنيا السلام


أما وقت بتكون تربية الشخص بالبيت غير صحيحة فكل الأسباب المذكورة رح تأثر سلبا عليه وممكن تأدي للانحراف

اول شي بحب عايد كل اهل محردة بالاعياد الحلوة اما بالنسبة للموضوع اللي كتير مهم نفهم المعاني اللي فيه لحتى نحسن نلحق شوي من شبابنا بالنسبة لسبب الضياع او الانحراف كل الاسباب بتكمل بعضها من تشتت الاسرة لرفقة السؤ لعدم مبالاة المدرسة بهالايام لتطور عالم الديجتال الى النت حتى الكنيسة اللي عم تعمل جهد كبير بالتوعية ونحنا ما عم نشوف هالجهد لانا ما عم نتابع هالمواضيع اكيد

وبتمنى من الاهل اللي هون الاساس ما يتركوا ولادون متل مابدون لانو هاي اول الاسباب وبتجر بعدها بقيت الاسباب وكلو هالايام بيقول متلي متل هالعالم